Bæjarráð Fjallabyggðar

Á 861. fundi sínum samþykkti bæjarráð tillögu deildarstjóra fræðslu-, frístunda- og menningarmála um að tilboði Kristalhreint ehf. í ræstingar fyrir Leikskóla Fjallabyggðar, Leikskála, verði tekið og gerður verði þriggja ára samningur með möguleika á framlengingu til eins árs að hámarki tvisvar.
Með fundarboði bæjarráðs fylgdu drög að verksamningi við Kristalhreint ehf., sem lagður er fram til staðfestingar.

Fyrir liggur erindi frá Herdísi L. Storgaard f.h. Miðstöðvar slysavarna barna þar sem óskað er eftir 50 þúsund króna styrk til gerðar myndbands með námskeiði um slysavarnir ungra barna á heimilum. Slík námskeið hafa verið í boði fyrir foreldra á höfuðborgarsvæðinu en með myndbandinu er ætlað að ná jafnframt til foreldra á landsbyggðinni.

Fyrir liggur erindi frá Kvennaathvarfinu þar sem óskað er eftir rekstrarstyrk sveitarfélaga á Norðurlandi eystra vegna neyðarathvarfs á Akureyri.

Fyrir liggur erindi frá Icelandic Eider ehf. þar sem óskað er eftir svörum vegna útboðs á dúntekju á Leirutanga á Siglufirði.
Nú þegar eru í gildi samningar vegna dúntekju í Siglufirði á áður skilgreindum dúntekjusvæðum 1-4 og gilda þeir til 11. maí 2025 en samningur við Icelandic Eider ehf. vegna Leirutanga rann út þann 31.12.2024. Allir samningar eru með ákvæði þess efnis að möguleiki sé á framlengingu til eins árs í senn tvisvar sinnum.

Fyrir liggur erindi frá Vélsleðafélagi Ólafsfjarðar þar sem óskað er eftir leyfi til þess að motocross braut í Ólafsfirði verði varastaður fyrir fyrirhugað vélsleðamót ef nægur snjór verður ekki í miðbænum.

Fyrir liggur erindi frá Skíðafélagi Ólafsfjarðar þar sem óskað er eftir leyfi til að loka og þrengja götur í Ólafsfirði dagana 28. febrúar og 1. mars vegna Fjarðargöngunnar. Óskað er eftir lokunum á eftirfarandi götum frá kl 18:00 föstudaginn 28.febrúar til kl
18:00 laugardaginn 1. mars.
Aðalgata frá gatnamótum Gunnólfsgötu að Strandgötu.
Kirkjuvegur frá Aðalgötu að Ólafsfjarðarkirkju.
Brekkugata
Hornbrekkuvegur frá Brekkugötu að Aðalgötu (hjá Tjarnarborg)

Þrengingar á götum á sama tíma:
Strandgata (verður ökufær)
Bakkabyggð (verður ökufær)
Túngata (verður ökufær)
Framkvæmdin yrði unnin í samráði við Þjónustumiðstöð og tæknideild.

Matvælaráðuneytið hefur tilkynnt um úthlutun á 213 tonnum af byggðakvóta til Fjallabyggðar af alls 3.807 þorskígildistonnum til ráðstöfunar til byggðarlaga víðs vegar um landið fyrir fiskveiðiárið 2024-2025 en auk þess eftirstöðvar af úthlutun fyrra árs sem kemur til ráðstöfunar á yfirstandandi fiskveiðiári. Samtals til ráðstöfunar eru því 318 tonn fyrir fiskveiðiárið, ríflega 41 tonn til Ólafsfjarðar og um 277 tonn til Siglufjarðar.
Fjallabyggð er gefinn frestur til 21. febrúar n.k. til að senda ráðuneytinu tillögur um sérreglur úthlutunar í sveitarfélaginu.

Fyrir liggur skýrsla Verkís um fráveitukerfi Siglufjarðar.
Fulltrúar Verkís munu kynna skýrsluna bæjarfulltrúum og stjórnsýslu á fundi síðar í dag.

Lagðir fram minnispunktar af stöðufundum með tæknideild.

Fyrir liggur bréf frá Innviðaráðuneyti, skrifstofu sveitarfélaga og byggðamála, þar sem mælt er með því að sveitarfélög bæti þriðja möguleika við kynskráningar á eyðublöðum og í annarri gagnasöfnun.

Fyrir liggur uppsagnarbréf deildarstjóra fræðslu-, frístunda- og menningarmála, Ríkeyjar Sigurbjörnsdóttur en síðasti starfsdagur hennar verður 30.apríl n.k.

Fyrir liggur fundargerð frá 16. fundi svæðisskipulagsnefndar Eyjafjarðar. Meðfylgjandi fundargerð er erindi frá nefndinni þar sem óskað er eftir hugmyndum sveitarfélaganna við Eyjafjörð varðandi framtíðar fyrirkomulag skipulagsmála.

Fyrir liggur fundargerð 31. fundar Stýrihóps Heilsueflandi samfélags sem haldinn var 28.janúar s.l.