Bæjarráð Fjallabyggðar

Deildarstjóri félagsmáladeildar mætti til fundarins og fór yfir helstu verkefni á deildinni.

Niðurstaða færð í trúnaðarbók.

Skólastjóri grunnskólans hefur óskað eftir að tölvuvæðingu unglingastigs verði flýtt þannig að lokið verði við tækjakaup fyrir nemendur unglingastigs.

Samkomulag um þjónustukaup vegna jóla og áramóta sem gerð voru 2020 giltu til áramóta 2022-2023. Endurnýja þarf samninga þar sem gildandi samningur rennur út í nóvember 2023.

Samkomulag um þjónustukaup hefur verið gert við eftirtalda aðila hjá Fjallabyggð til þriggja ára í senn:

Björgunarsveitina Tind, sem annast flugeldasýningu á gamlárskvöld í Ólafsfirði.
Björgunarsveitina Stráka, sem annast flugeldasýningu á gamlárskvöld á Siglufirði.
Kiwanisklúbbinn Skjöld sem annast Þrettándabrennu og flugeldasýningu á Siglufirði 6. janúar ár hvert.
Knattspyrnufélag Fjallabyggðar sem annast tendrun jólatráa, jólasveina, jólaball á annan dag jóla, áramótabrennur á Ólafsfirði og Siglufirði og lýsingu ártals í Tindaöxl. Skíðafélag Siglufjarðar Skíðaborg, annast lýsingu í Hvanneyrarskál.

Lagt er til að samningar verði gerðir til 3ja ára.

Útfærður viðauki nr. 16 við fjárhagsáætlun 2023 lagður fram vegna endurútreikningi á launaáætlun vegna 2023 og uppfærðrar áætlunar um framlög úr jöfnunarsjóði sveitarfélaga. Viðaukanum verður mætt með lækkun á handbæru fé.

Fyrir liggur uppsögn á verktakasamningi um ræstingu í Leikskóla Fjallabyggðar, Leikhólum.

Erindi frá formanni UÍF þar sem óskað er eftir samþykki frá Fjallabyggð fyrri umsókn um að halda Landsmót UMFÍ 50 í sveitarfélögum.

Lagt fram erindi Markaðsstofu Norðurlands þar sem óskað er eftir stuðningi við verkefnið Flugklasann Air66N.

Lagt fram erindi Þorleifs Gunnlaugssonar, stjórnarformanns og framkvæmdastjóra Römpum upp Ísland.

Lagt fram erindi Þorgríms Þráinssonar um 30 hugmyndir til að bæta samfélagið - virkjum eldhugana.

Innviðaráðuneytið vekur athygli á að hvítbók um skipulagsmál ásamt umhverfismatsskýrslu er nú í kynningu í samráðsgátt stjórnvalda.

Fundarboð til aðalfundar Greiðrar leiðar ehf. lagt fram til kynningar ásamt ársreikningi félagsins fyrir rekstrarárið 2022.

Efnahags- og viðskiptanefnd Alþingis sendir til umsagnar frumvarp til laga um breytingu á lögum um fasteignalán til neytenda, nr. 118/2016 (lántökuskilyrði vegna íbúðafjárfestinga) 171. mál.
Umhverfis- og samgöngunefnd Alþingis sendir til umsagnar tillögu til þingsályktunar um stefnumótandi áætlun í málefnum sveitarfélaga fyrir árin 2024-2038 og aðgerðaáætlun fyrir árin 2024-2028, 182. mál.
Þess er óskað að umsagnir berist eigi síðar en 13. október nk.

Fundargerð 26. fundar Síldarminjasafnsins lögð fram til kynningar ásamt ársskýrslu.

Fundargerð stjórnarfundar í félagi um þjóðlagasetur sr. Bjarna Þorsteinssonar, dags. 26.09.2023 lögð fram til kynningar.

Fundargerðir 27. fundar Stýrihóps um heilsueflandi samfélag, 100. fundar markaðs- og menningarnefndar, 38. fundar ungmennaráðs, 131. fundar fræðslu- og frístundanefndar og 38. fundar skólanefndar TÁT lagðar fram til kynningar.