Bæjarráð Fjallabyggðar

Lagt fram tilboð frá VSÓ í ástandsskoðun á Skálarhlíð.

Fjallabyggð auglýsti útboð í ræstingu fyrir Leikskóla Fjallabyggðar Leikhóla þann 17. janúar 2023.

Trilludagar hafa verið haldnir í Fjallabyggð fimm sinnum frá árinu 2016 en engin hátíð var haldin árin 2020 og 2021 vegna heimsfaraldurs.
Umfang hátíðarinnar hefur farið vaxandi í öllu umfangi og ekkert sem gefur til kynna annað en að hátíðin eigi eftir að stækka á komandi árum enda hátíðin vinsæl og öðruvísi en flestar bæjarhátíðir. Deildarstjóri fræðslu-, frístunda- og menningarmála og markaðs- og menningarfulltrúi leggja til að útvistuð verði umsjón með skipulagningu og framkvæmd Trilludaga, fjölskylduhátíðar í Fjallabyggð árið 2023.

Lagt fram erindi frá Skotfélagi Ólafsfjarðar þar sem óskað er eftir undirrituðu leyfi til afnota á kjallararými Ægisgötu 13.

Lögð fram umsókn Evanger sf. um leyfi fyrir rekstri á stöðvalausri deilileigu fyrir rafskútur á Siglufirði og Ólafsfirði ásamt samstarfsyfirlýsingu.

Lögð er fram umsókn Hálfdáns Sveinssonar f.h. Herhússfélagsins um lóðina Lækjargötu 5. Einnig lögð fram bókun skipulags- og umhverfisnefndar frá 1.febrúar sl. vegna málsins.

Mennta- og barnamálaráðherra, hefur boðað til þjóðfundar 6. mars nk. um framtíðarskipan heildstæðrar skólaþjónustu og hefur kynnt áform sín um að leggja fram frumvarp til laga þar um næsta haust.
Tilgangur þjóðfundarins er að ræða niðurstöður samráðsins til þessa, varpa ljósi á álitamál og leita lausna í sameiningu um bestu framtíðarskipan heildstæðrar skólaþjónustu í þágu nemenda. Fundurinn verður haldinn í Silfurbergi í Hörpu en einnig verður hægt að fylgjast með erindum í streymi og taka þátt í rafrænni hópvinnu í kjölfarið.

Lagt fram dreifibréf frá Sambandi íslenskra sveitarfélaga þar sem vakin er athygli allra sveitarfélaga á landinu á eftirfarandi bókun sem gerð var á stjórnarfundi samtakanna þann 17. febrúar síðastliðinn.

Lagt fram dreifibréf frá verkefnastjóra Markaðsstofu Norðurlands þar sem athygli er vakin á evrópuverkefninu TOURBIT sem hefur það hlutverk að hraða ferðaþjónustufyrirtækjum í gegnum stafrænar umbreytingar. Sjö íslenskum fyrirtækjum býðst að fá styrk að andvirði 9 þúsund evra hvert, sem hluti af þessu verkefni. Verkefnið er unnið með stuðningi Ferðamálastofu og landshlutasamtaka sveitarfélaga í samstarfi við áfangastaða- og markaðsstofur. Frestur til að skila inn umsókn er til 5. apríl.

Lagt fram dreifibréf Almannavarnardeildar RLS vegna stöðu mála við Öskju.

Fundargerð 135. fundar Hafnarstjórnar Fjallabyggðar lögð fram til kynningar.