Framkvæmda-, hafna og veitunefnd Fjallabyggðar

Fyrir liggur vinnuskjal frá sviðsstjóra framkvæmdasviðs á tillögum til úrbóta á vatnsveitu í Ólafsfirði og vatnsöflun. Í samræmi við innviðagreiningu Eflu frá árinu 2023 eru þrír möguleikar á vatnsbólum skoðaðir auk þess sem skoðaður er möguleiki á borun eftir köldu vatni. Sviðsstjóri fór yfir málið og leggur til að skoðaður verði frekar sá möguleiki að bora eftir köldu vatni í nágrenni Múlalindar.

Fyrir liggja tillögur að staðsetningu á ærslabelg á Siglufirði. Annars vegar er gert ráð fyrir ærslabelg á núverandi stað en þá þarf að girða við hann til þess að minnka slysahættu en gert er ráð fyrir um 70 metra girðingu auk þess sem settur yrði upp drykkjarbrunnur innan girðingar og stæði fyrir reiðhjól. Áætlaður kostnaður er um 1 milljón. Hins vegar er tillaga um að færa ærslabelginn á lóð við Vallarbraut þar sem gert er ráð fyrir leiksvæði og samhliða því sá í svæðið um kring eða þökuleggja og setja þar upp fótboltamörk. Svæðið gæti litið afar vel út með þessari útfærslu en kostnaður er umtalsverður eða um 4 milljónir er reiknað er með þökulagningu á svæðinu.

Fyrir liggja vinnuskjöl frá fundum 58, 59 og 60 hjá framkvæmdasviði og bæjarstjóra.

Í marsmánuði var um 725 tonnum landað í Fjallabyggð og þá búið að landa ríflega 2.071 tonnum frá áramótum og nær öllum aflanum landað á Siglufirði. Til samanburðar var landað um 2.200 tonnum á fyrstu þremur mánuðum ársins 2025 og er því um lítilsháttar samdrátt að ræða frá fyrra ári.

Fyrir liggja upplýsingar úr verðkönnun sem gerð var vegna götu - og gangstéttasópunar í Fjallabyggð.