Varðar Aðalgötu 32 Siglufirði

Lagt fram til kynningar.

Lagt fram til kynningar svarbréf er sent var Úrskurðarnefnd skipulags- og byggingarmála.

Úrskurðarnefnd skipulags- og byggingarmála sendir inn úrskurð í máli nr.67/2010, kæra á synjun skipulags- og umhverfisnefndar Fjallabyggðar frá 19. ágúst 2010 á umsókn um leifi til að klæða suður- og austurhlið hússins að Aðalgötu 32, Siglufirði með MEG-klæðningu. 

Úrskurðarorð Úrskurðarnefndar skipulags- og byggingarmála eru: Felld er úr gildi synjun skipulags- og umhverfisnefndar Fjallabyggðar frá 19. ágúst 2010, sem bæjarráð staðfesti 24. sama mánaðar, á umsókn um leyfi til að klæða suður- og austurhlið hússins að Aðalgötu 32, Siglufirði, með MEG klæðningu.

Nefndin frestar afgreiðslu til næsta fundar.

Klæðning á Aðalgötu 32, Siglufirði rædd út frá úrskurði úrskurðanefndar skipulags- og byggingarmála frá 1. apríl 2011 og áliti lögmanns sveitarfélagsins Jóhannesi Bjarna Björnssyni dags. 13. apríl 2011.

Formaður nefndarinnar leggur til að erindi um klæðningu verði veitt, samkvæmt umsókn sem tekið var fyrir á 92. fundi nefndarinnar.

Tillagan er felld með 3 atkvæðum gegn 1 og Jón situr hjá.

Magnús og Elín leggja fram eftirfarandi tillögu:

Að fresta ákvörðun skv. 6. mgr. 43. gr. skipulagslaga og að farið verði í að beita skipulagsvaldinu til þess að ákveða hverfisvernd.  Og lagt er til að gert verði deiliskipulag þar sem sett væru ákvæði um götumynd, frágang og útlit húsa.

Helgi styður tillöguna.

Kynnt niðurstaða skipulags- og umhverfisnefndar frá 18. apríl 2011, varðandi klæðningu á Aðalgötu 32 Siglufirði og álit lögmanns sveitarfélagsins vegna úrskurðar úrskurðanefndar skipulags- og byggingarmála frá 1. apríl 2011.
Málið verður til afgreiðslu á næsta bæjarstjórnarfundi.

Gunnlaugur Oddsson fyrir hönd eigenda að Aðalgötu 32 Siglufirði óskar í bréfi sínu frá 22. maí .sl. eftir viðræðum við sveitarfélagið vegna tjóns sem hann telur að sveitarfélagið hafi valdið eigendum með afgreiðslu á klæðningarumsókn.
Lagt fram álit lögmanns sveitarfélagsins á málinu.
Bæjarráð felur bæjarstjóra að að ræða við fulltrúa eigenda.

Bæjarstjóri lagði fram handskrifað minnisblað sem eigandi að Aðalgötu 32 hefur samþykkt fyrir hönd Sigluness hf.

Bæjarstjóra er falið að undirrita samkomulag í samræmi við minnisblaðið og er málinu þar með lokið.

Samþykkt samhljóða.