Starfsmannahald félagsþjónustunnar

Félagsmálastjóri gerði grein fyrir breytingum í starfsmannamálum félagsþjónustu.  Júlía Sæmundsdóttir, félagsráðgjafi hefur sagt starfi sínu lausu  og mun láta af störfum frá og með 31. maí næst komandi.  Lagt er til að áður en auglýst verður eftir nýjum starfsmanni verði fyrst unnin þarfagreining fyrir starfið, þar sem m.a. verði tekið tillit til væntanlegra breytinga á starfsumhverfi t.d. í kjölfar yfirfærslu málefna fatlaðra.

Á fund bæjarráðs mætti félagsmálastjóri og fór yfir starfsmannahald deildarinnar.
Tillaga félagsmálastjóra til bæjarráðs er sú að í stað félagsráðgjafa verði auglýst eftir sálfræðingi, sem hafi það starfssvið í meginatriðum að sinna greiningu, ráðgjöf og eftirfylgd til einstaklinga, fjölskyldna og fagfólks.

Bæjarráð samþykkir tillögu félagsmálastjóra.

Bæjarstjóri upplýsti bæjarráð um stöðu mála.

Félagsmálastjóri upplýsti að gengið hefur verið frá tímabundinni ráðningu vegna auglýstrar stöðu þroskaþjálfa, sbr. auglýsingu á heimasíðu Fjallabyggðar dags. 22.07.2010.  Helga Helgadóttir hefur verið ráðin í starfið og verður hún með starfstöð í Ólafsfirði.