Fréttir

Kæru íbúar og gestir Síldarævintýris 2024. Fjallabyggð býður gesti velkomna og óskar þeim og öllum íbúum Fjallabyggðar góðrar skemmtunar um helgina. Síldarævintýrið er fjölskylduhátíð og búist er við fjölmenni. Fjallabyggð hvetur því íbúa og gesti til að sýna aðgætni og tillitsemi í umferð um götur og þá sérstaklega í miðbæ Siglufjarðar.

Athygli er vakin á því að leyfi hafa verið gefin út vegna flugeldasýningar á Síldarævintýrinu á Siglufirði laugardaginn 3. ágúst á milli klukkan 22:30-23:30. Ef veðuraðstæður hamla því að hægt verði að skjóta upp flugeldum á þeim tíma er heimilt að færa flugeldasýninguna til sunnudagsins 4. ágúst á milli klukkan 22:30-23:30. Björgunarsveitin Strákar mun sjá um framkvæmd flugeldasýningarinnar. Skotið verður upp frá Norðurtanga. Eigendur gæludýra, hesta og búfénaðar á svæðinu eru beðnir um að gera viðeigandi ráðstafanir til þess að lágmarka að dýrin verði fyrir óþægindum.

Trilludagar voru haldnir á Siglufirði í sjöunda sinn laugardaginn 27. júlí og tókust þeir einstaklega vel. Góð stemning var á bryggjunni og veðrið lék við hvern gest.

Síldarævintýrið á Siglufirði  Dagskráin er komin út fyrir fjölskylduhátíðina Síldarævintýrið 2024.

Helgina 26. - 28. júlí verður síðasta sýningarhelgi Örlygs Kristfinnssonar "Geirfuglinn" í Söluturninum við Aðalgötu á Siglufirði. Á sýningunni, sem er einstök, eru myndir unnar með vatnslitum á pappír og leir. Sýningin verður opin frá kl. 15:00-17:00 alla helgina. Aðgangur er ókeypis og allir velkomnir.

Sápuboltinn verður haldinn helgina 19-21 júlí

Óskað er eftir áhugasömum rekstraraðilum til að taka að sér rekstur og starfsemi skíðasvæðisins í Skarðsdal með það að markmiði að efla skíðaiðkun, auka aðsókn að skíðasvæðinu og byggja upp jákvæða ímynd þess.

Frá og með 24. júní tekur við frístundaakstur milli byggðarkjarnanna. Rútan fer frá skólahúsinu við Norðurgötu Siglufirði og Vallarhúsinu Ólafsfirði.

Cecilie Annette Willoch, sendiherra Noregs á Íslandi kom í heimsókn til okkar í Fjallabyggð í gær og naut meðal annars viðburða á Þjóðlagahátíð, heimsótti Síldarminjasafnið og fyrirtæki í Fjallabyggð. Sigríður Ingvarsdóttir bæjarstjóri Fjallabyggðar og Anna Lind Björnsdóttir verkefnastjóri  SSNE á Tröllaskaga tóku vel á móti henni.

Bæjarstjórn Fjallabyggðar 246. fundur bæjarstjórnar Fjallabyggðar, verður haldinn í Ráðhúsi Fjallabyggðar, Gránugötu 24, Siglufirði 10. júlí 2024 kl. 13:00.