Stýrihópur Heilsueflandi samfélags

Þrettánda Norræna lýðheilsuráðstefnan verður haldin á Íslandi í lok júnímánaðar 2022. Ráðstefnan verður haldin í Hörpu. Yfirskrift ráðstefnunnar að þessu sinni er "Heilsa og vellíðan fyrir alla - horft til framtíðar" .

Þrjár höfuðáherslur ráðstefnunnar verða á: Áhrifaþætti heilsu og vellíðunar, stefnumótun lýðheilsu og gagnadrifið lýðheilsustarf. Þá verður einnig fjallað um heimsfaraldurinn COVID-19 og hvernig lýðheilsustarf hefur skipt sköpum í viðbrögðum og fyrirbyggjandi vinnu til að takast á við afleiðingar hans. Skráning er hafin.

Lífshlaupið hófst 2. febrúar síðastliðinn. Nokkrir vinnustaðir í Fjallabyggð taka þátt og staðnemar MTR. Ekki er of seint að skrá sig og vill stýrihópurinn hvetja íbúa til að taka þátt í hreyfiátakinu. Stýrihópurinn lýsir yfir ánægju sinni með mokstur gangstétta í Fjallabyggð sem auðveldar íbúum mjög að fara gangandi um.

Stýrihópur um heilsueflandi samfélag, Skíðafélag Ólafsfjarðar og Skíðafélag Siglufjarðar Skíðaborg buðu íbúum upp á skíðagöngunámskeið í báðum byggðarkjörnum. Báðum námskeiðunum er nú lokið og var þátttakan mjög góð. Um 60 manns tóku þátt í námskeiðunum. Námskeiðin tókust mjög vel og ekki hægt að heyra annað en að almenn ánægja ríki meðal þátttakenda. Stýrihópurinn vill færa skíðafélögunum sínar bestu þakkir fyrir samstarfið og vonar að þátttakendur haldi áfram að iðka skíðagöngu með félögunum.

Skíðagöngunámskeiðum í boði Stýrihóps um heilsueflandi samfélag og skíðafélaga í Fjallabyggð er nú lokið. Námskeiðin tókust vel og voru mjög vel sótt.
Stýrihópurinn skoðar næstu skref og möguleika á að bjóða upp á fyrirlestur fyrir íbúa um andlega heilsu eða heilsueflingu. Þá skoðar stýrihópurinn útfærslu á hvatningu til íbúa um heilsu og hreyfingu, t.d. með auglýsingum og veggspjöldum.