Skipulags- og umhverfisnefnd Fjallabyggðar

Borist hafa kvartanir vegna ágangs sauðfjár í lausagöngu við Saurbæjarás. Fé hefur þar étið af leiðum í kirkjugarði, auk þess að fara inná svæði frístundabyggðar og skógræktar.

Nefndin bendir á að samkvæmt samþykkt um búfjárhald þá ber Fjallabyggð að tryggja sem best að girðingar um þéttbýlissvæðin séu fjárheldar. Búið er að fara yfir girðingar í kirkjugarði og leggur nefndin til að girt verði betur afmörkun þéttbýlisins við Saurbæjarás.

Nefndin tekur jákvætt í erindið og getur fyrir sitt leiti samþykkt beiðni um afnot en bendir á að ef sótt er um byggingarrétt á umræddum lóðum þá muni afnotaréttur falla niður og allur kostnaður vegna þess að koma lóðinni í upphaflegt horf fellur á afnotanda.

Lagt fram erindi Primex þar sem óskað er eftir betra aðgengi að lóð sinni við Óskarsgötu 7 á Siglufirði frá Tjarnargötu.

Nefndin getur ekki samþykkt framlagða tillögu þar sem hún gengur á hagsmuni aðliggjandi lóðar.

Inga Hilda Ólfjörð sendir inn erindi til nefndarinnar varðandi umferðarmerkingar. Biður um að sett séu upp 2-3 umferðarskilti þar sem að varað er við lausagöngu sauðfjár.

Nefndin tekur vel í erindið og beinir því til tæknideildar að sótt verði um uppsetningu á ofangreindum skiltum til Vegagerðarinnar þar sem umræddur vegur tilheyrir þeim.

Umsókn frá Gesti Hanssyni f.h. Top Mountaineering um að fá að setja upp standskilti á horni Gránugötu og Snorragötu.

Erindi samþykkt.

Erindi frá Síldarminjasafni varðandi flutning olíutanks frá olíuporti Olíudreifingar og uppsetningu á lóð Síldarminjasafns auk eyðingu olíutanks sem þar er fyrir.

Erindi samþykkt.

Rúnar Marteinsson óskar eftir því að nefndin endurskoði afstöðu sína vegna byggingarleyfisumsóknar hans við Gránugötu 13b.

Nefndin hafnar erindinu og stendur við fyrri bókun sem gerð var á 199. fundi nefndarinnar.

Umsókn um leyfi fyrir kvikmyndatöku í Reykjarétt á Lágheiði 28. júlí til og með 1. ágúst 2016.

Erindi samþykkt.

Umsókn um leyfi til að reisa hænsnahús og halda hænur á lóð umsækjanda Hverfisgötu 3 Siglufirði.

Nefndin getur ekki samþykkt erindið nema skriflegt samþykki allra aðliggjandi lóðarhafa liggi fyrir. Erindinu er því hafnað.

Börkur Þór Ottósson sviðsstjóri umhverfis- og tæknisviðs Dalvíkurbyggðar óskar eftir því að umsagnaraðilar fari yfir skipulagstillögur og sendi sér umsögn, athugasemdir eða ábendingar.

Nefndin gerir engar athugasemdir við erindið.

Hálfdán Sveinsson sækir um f.h. Rosalind Page úthlutun á lóð við Hverfisgötu 22, Siglufirði.

Erindi samþykkt.

Lagt fram til kynningar

Lagt fram til kynningar.