Skipulags- og umhverfisnefnd Fjallabyggðar

Lagt fram erindi Björns Valdimarssonar varðandi hámarkshraða í húsagötum/íbúagötum í Fjallabyggð, dagsettu 17. maí 2020.

Bæjarráð samþykkti á 653. fundi sínum að vísa erindinu til skipulags- og umhverfisnefndar Fjallabyggðar þar sem bæjarstjórn samþykkti á fundi sínum þann 20.05.2020 að fela nefndinni að endurskoða ákvörðun um hámarkshraða í íbúagötum.

Á 252. fundi skipulags- og umhverfisnefndar samþykkti nefndin eftirfarandi bókun:
Samkvæmt 37.gr. umferðarlaga nr. 77/2019 skal hámarkshraði tilgreindur í heilum tugum að undanteknum hámarksökuhraðanum 15 km á klst. Í þéttbýli Fjallabyggðar er hámarksökuhraði 35 km á klst.
Nefndin samþykkti að hámarkshraði yrði hækkaður í 40 km á klst. að undanskildum götum við skóla, leikskóla og íþróttamiðstöðvar, þar verði hann lækkaður í 30 km klst. og einnig verði skoðaður sá möguleiki að setja upp þrengingar við þessar stofnanir.

Bæjarráð samþykkti tillöguna á 647. fundi sínum og fól bæjarstjóra að taka upp viðræður við Vegagerðina þar sem við á um leyfi, hönnun þrenginga og kostnaðarþátttöku, svo og að koma fyriráætlunum sveitarfélagsins um breytingar á hámarkshraða á einstaka götum til umsagnar hjá lögregluembættinu.

Á 185. fundi sínum samþykkti Bæjarstjórn Fjallabyggðar samhljóða með 7 atkvæðum að vísa málinu til Skipulags- og umhverfisnefndar og felur nefndinni að endurskoða hámarkshraða í íbúagötum.

Með tölvupósti dagsettum 11. maí 2020 tilkynnir Ólöf Harðardóttir fyrir hönd Úrskurðarnefndar umhverfis- og auðlindarmála um stjórnsýslukæru sem barst embættinu þann 8. maí 2020 þar sem kærð er ákvörðun skipulags- og umhverfisnefndar þann 21.05.2019 um tilfærslu byggingarreits á lóð við Skógarstíg 2 á Siglufirði.

Tillaga að breytingu á deiliskipulagi Þormóðseyrar á Siglufirði var auglýst með athugasemdafresti frá 14. apríl til 30. maí 2020. Breytingin nær til lóðarinnar Tjarnargötu 18 og felur í sér stækkun á byggingarreit þar sem gert er ráð fyrir stækkun á núverandi bátaskýli, fjarskiptamastri að hámarki 35m á hæð auk tilheyrandi tækja- og rafstöðvarhúsi.
Ein athugasemd barst á auglýsingatímanum, frá Lárusi L. Blöndal fyrir hönd Síldarleitarinnar sf. sem er með starfsemi í Tjarnargötu 16. Síldarleitin sf. telur að með því að breyta deiliskipulaginu þannig að það heimili frekari uppbyggingu á lóðinni að Tjarnargötu 18 muni þrengja að lóðarréttindum lóðarinnar að Tjarnargötu 16.

Með bréfi dagsettu 14. maí 2020 óska þau Haraldur Marteinsson, Kolbrúm Gunnarsdóttir, Sigurður Jóhannesson og Sóley Reynisdóttir, eftir því að sveitarfélagið taki þátt í ráðstöfunum sem grípa þarf til vegna mikillar bleytu í lóðunum við Hafnartún 8 og 10 á Siglufirði, en hluta bleytunnar má rekja til snjósöfnunar á auðri lóð við Laugarveg.

Tekin fyrir umsókn um byggingarleyfi frá Svani Baldurssyni fyrir hönd Mílu ehf. Sótt er um leyfi til að byggja smáhýsi á lóðinni Múlavegi 2 í Ólafsfirði og endurnýja mastur samkvæmt meðfylgjandi teikningum.
Meðfylgjandi er samþykki eigenda Strandgötu 2 í Ólafsfirði fyrir framkvæmdinni og einnig bréf frá Neyðarlínunni þar sem mikilvægi framkvæmdarinnar m.t.t. bóta á varaafli fjarskiptastaða er undirstrikað.

Með erindi dagsettu 20. maí 2020, óskar Ólafur Kárason fyrir hönd Kristjáns Möller eftir leyfi til þess að stækka sválir á suðurhlið Laugarvegar 25 á Siglufirði. Meðfylgjandi er teikning sem sýnir breytinguna og samþykki nágranna að Laugarvegi 24, 25, 26 og 27 fyrir breytingunni.

Með bréfi dagsettu 23. maí 2020 óskar Gestur Hansson eftir aðkomu sveitarfélagsins að úrbótum sem gera þarf á aðstöðu hans til kayaksiglinga á hafnarsvæðinu á Siglufirði eftir mikinn sjógang í vetur.

Lögð fram umsókn um leyfi til að setja útidyr á suðurvegg Kirkjuvegs 12 í Ólafsfirði og byggja skúr við kjallarainngang á norðurhlið hússins.

Lögð fram umsókn um leyfi til að breyta kvist á norðurhlið Eyrargötu 16 á Siglufirði og brjóta niður stromp.

Lagt fram erindi Skógræktarfélags Ólafsfjarðar og Skíðafélags Ólafsfjarðar, dags. 06.05.2020, þar sem óskað er eftir samkomulagi við Fjallabyggð um land sem deiliskipulagt er í landi Hornbrekku og einnig fyrir neðan veg meðfram göngustíg við Ólafsfjarðarvatn að hlíðarlæk. Landið verði nýtt til hverskonar útivistar, s.s. skíða-, hjóla- og göngubrautar og gróðursett verði meðfram brautum til að mynda skjól og halda snjónum lengur í brautum að vetri til.

Einnig er óskað eftir upplýsingum um hvenær Vegagerðin muni færa grindarhlið fyrir neðan Hornbrekku að hlíðarlæk eins og lofað var.

Bæjarráð tók málið fyrir á 653 fundi sínum og vísaði því til skipulags- og umhverfisnefndar Fjallabyggðar og fól deildarstjóra tæknideildar að hafa samband við Vegagerðina varðandi tímasetningu á tilfærslu á grindarhliði neðan Hornbrekku að hlíðarlæk.

Með umsókn dagsettri 2. júní 2020 óskar Rúnar Gunnarsson efitir leyfi til þess að byggja bílskúr og tengigang við Ólafsveg 48 í Ólafsfirði.

Lagðir fram aðaluppdrættir af viðbyggingu við íþróttamiðstöðina á Siglufirði.