Bæjarráð Fjallabyggðar

Lagt fram til kynningar yfirlit launa fyrir tímabilið janúar til maí 2021.

Lagt fram til kynningar yfirlit staðgreiðslu fyrir tímabilið janúar til maí 2021. Staðgreiðsla fyrir tímabilið nemur kr. 509.677.342 eða 107,17% af tímabilsáætlun.

Lagt fram vinnuskjal deildarstjóra fræðslu-, frístunda- og menningarmála, dags. 03.06.2021 þar sem fram kemur að verðtilboð í skólamáltíðir fyrir Grunnskóla Fjallabyggðar 2021-2024 voru opnuð 2. júní sl.
Eitt tilboð barst, frá Höllinni veitingahús ehf. Ólafsfirði.

Samningsfjárhæð er kr. 28.383.600.- á ári miðað við áætlaðan fjölda seldra máltíða.

Deildarstjóri leggur til að gengið verði til samninga við Höllina veitingahús ehf. um framleiðslu skólamáltíða fyrir Grunnskóla Fjallabyggðar skólaárin 2021-2024 með möguleika á framlengingu 2svar 1 ár í senn.

Lögð fram til kynningar umsögn Fjallabyggðar um tillögu til þingsályktunar um endurskoðun laga- og reglugerðarumhverfis sjókvíaeldis, sbr. 640. mál.

Lögð fram til kynningar umsögn Fjallabyggðar um drög að reglugerð um öryggiskröfur fyrir jarðgöng, dags. 04.06 2021.

Lögð fram til kynningar umsögn slökkviliðsstjóra Fjallabyggðar vegna draga að breytingum á reglugerð um öryggi í jarðgöngum, dags. 03.06.2021.

Lagt fram til kynningar erindi Samgöngu- og sveitarstjórnarráðuneytisins, dags. 31.05.2021 þar sem fram kemur að ráðuneytið hefur staðfest siðareglur kjörinna fulltrúa Fjallabyggðar sbr. 29. gr. laga nr. 138/2011.

Lagt fram erindi Arnars Helga Lárussonar, dags. 02.06.2021 þar sem fram kemur að í sumar ætlar hann að hjóla 400 km á höndunum þar sem hann er hreyfihamlaður eftir slys fyrir u.þ.b 20 árum síðan. Óskað er eftir áheitum frá sveitarfélögum þar sem ætlunin er að kaupa sérútbúin fjallahjól fyrir fólk sem er hreyfihamlað.

Lagt fram erindi Sigríðar Vigdísar Vigfúsdóttur, f.h. Primex ehf., dags. 03.06.2021 þar sem óskað er eftir breytingum á skipulagi Þormóðseyrar og hafnarsvæðis á Siglufirði er varða skipulagsmál við Óskarsgötu.

Lagt fram erindi Sambands sveitarfélaga og atvinnuþróunar á Norðurlandi eystra (SSNE), dags. 03.06.2021 þar sem óskað er eftir tillögu að fjórum fulltrúum frá hverju sveitarfélagi í samráðsvettvang Sóknaráætlunar Norðurlands eystra 2020-2024. Óskað er eftir tillögu að tveimur karlkyns og tveimur kvenkyns fulltrúum í samráðsvettvanginn, alls fjórum. Annars vegar tveimur fulltrúum af pólitískum vettvangi og hins vegar tveimur ópólitískum.

Lagt fram til kynningar erindi Atvinnuvega- og nýsköpunarráðuneytisins, dags. 28.05.2021 er varðar kynningu á lögum um breytingum á jarðalögum nr. 81/2004 sem samþykkt voru á Alþingi 18. maí sl.

Lagt fram til kynningar fréttabéf SSNE - 15. Tbl. maí 2021.

Lagt fram til kynningar minnisblað sviðsstjóra kjarasviðs Sambands íslenskra sveitarfélaga, dags. 26. maí 2021, um launaþróun sveitarfélaga.

Lagt fram til kynningar erindi stjórnar Veiðifélags Ólafsfjarðar, dags. 02.06.2021 þar sem boðað er til Aðalfundar Veiðifélags Ólafsfjarðar með útsendri dagskrá ásamt tillögum til stjórnar sem bornar verða upp til atkvæðagreiðslu á fundinum. Fundurinn verður haldinn að Brimvöllum 2, (Tuggunni félagsheimili hestamanna) Ólafsfirði, laugardaginn 12.06 n.k. kl 14:00.

Lögð fram til kynningar 898. fundargerð Sambands íslenskra sveitarfélaga, dags. 28.05.2021

Lögð fram til kynningar fundargerð XXXVI. landsþings sambandsins frá 21.05.2021

Lögð fram til kynningar fundargerð 269. fundar Skipulags- og umhverfisnefndar Fjallabyggðar frá 2. júní sl.