Bæjarráð Fjallabyggðar

Formaður bæjarráðs bauð byggðarráð og sveitarstjóra Dalvíkur velkomna til samráðsfundar.

Frá Dalvíkurbyggð mættu, Gunnþór Eyfjörð Gunnþórsson, Kristján Guðmundsson, Guðmundur St. Jónsson og Bjarni Theódór Bjarnason sveitarstjóri.

Til umræðu voru almenningssamgöngur, heilbrigðismál, málefni fatlaðra - Byggðasamlagið Rætur, skólamál og fleira.

Fundarmenn sammála um að boða til sameiginlegs fundar 8. september kl. 17 á Dalvík, bæjar- og byggðarráðs með skólastjórnendum, deildar og sviðsstjórum og formönnum fræðsluráðs/-nefndar sveitarfélaganna.

Bæjarstjóri lagði fram minnispunkta frá fulltrúa VSÓ er vann tillögur um almenningssamgöngur á sínum tíma fyrir Vegagerð ríkisins. Fram kemur m.a. neðanritað.            

Fjallabyggð-samnýting

Innan stjórnar Eyþings er áhugi er fyrir því að kanna hvort/hvernig megi samnýta/styrkja/auka almenningssamgöngur í Fjallabyggð, sérstaklega milli Ólafsfjarðar, Siglufjarðar og Dalvíkur.

- Núverandi þjónusta á þessu svæði eru almenningssamgöngur/sérleyfi sem Eyþing tók nýlega yfir og er umsjónaraðili akstursins Strætó bs, auk skólaaksturs fyrir grunnskóla og menntaskóla sem er á vegum Fjallabyggðar og Dalvíkurbyggðar.

Sauðárkrókur-Siglufjörður

- Innan stjórnar Eyþings er einnig vilji að kanna hvort/hvernig þjónusta mætti leggin Siglufjörður-Sauðárkrókur.

- Á þessu ári byrjuðu SSNV að bjóða upp á ferðir í pöntunarþjónustu á leggnum Sauðárkrókur-Hofsós.

- Farið yfir ástæður þess að Siglufjörður hafi ekki verið valinn sem viðkomustaður á leggnum Reykjavík-Akureyri í endurskipulagningu á leiðinni árið 2011. Aðalástæða þess að leið um Öxnadalsheiði var valin í stað að fara um Siglufjarðarveg/Ólafsfjarðarveg er að hún er um 50 mínútum styttri í akstri frá Sauðárkróki. Núverandi leið um Reykjavík-Akureyri er um 6,5 klst og því var erfitt að réttlæta að lengja ferðina enn frekar. Við endurskipulagninguna var reynt að nýta styrki frá Vegagerðinni á sem bestan hátt og var þetta talin vera besta leiðin, auk þess var reynt að tryggja að hringakstur yrði um landið og að leggurinn Reykjavík-Akureyri myndi tengjast leiðunum Akureyri-Egilsstaðir og Reykjavík-Höfn.

Bæjarráð tekur undir bókun f.v. bæjarstjórnar og vísar málinu til umræðu við gerð fjárhagsáætlunar.

Bæjarráð telur rétt að taka upp viðræður við ÚÍF um framtíðaráform og uppbyggingu staðarins, og niðurstaða liggi fyrir við gerð fjárhagsáætlunar.

Bæjarráð leggur til við bæjarstjórn að viðauki við launaliði leikskólans fyrir haustið 2014 verði samþykktur.
Um er að ræða kr. 4,6 m.kr.

Bæjarráð leggur áherslu á að launaliðir leikskólans verði til skoðunar er varðar sérkennslu og stuðning í takt við viðræður við Dalvíkurbyggð um aukið samstarf.
Niðurstaða þarf að liggja fyrir við gerð fjárhagsáætlunargerðar.

Bæjarráð samþykkir að vísa tillögu að viðauka 5 við fjárhagsáætlun  til endanlegrar afgreiðslu í bæjarstjórn.