Samráðsfundur með Dalvíkurbyggð

Bæjarráð samþykkir að halda fund með Dalvíkurbyggð til að ræða sameiginlega hagsmuni sveitarfélaganna.

Undir þessum lið sátu fundinn frá Dalvíkurbyggð; Kristján E. Hjartarson formaður bæjarráðs, Jóhann Ólafsson, Valdís Guðbrandsdóttir, Guðmundur St. Jónsson forseti bæjarstjórnar, Svanfíður Inga Jónasdóttir bæjarstjóri og Guðrún Pálína Jóhannsdóttir sviðsstjóri fjármála- og stjórnsýslusviðs.

Til umfjöllunar:

a) Kynning bæjarfulltrúa og starfsmanna.
Fundarmenn kynntu sig og gerðu grein fyrir hlutverkum sínum hjá sveitarfélögunum.

b) Stjórnsýsla og helstu verkefni sveitarfélagsins.
Bæjarstjórar gerðu grein fyrir skipuritum og hvernig stjórnsýslan er byggð upp í sveitarfélögunum.

c) Hvaða verkefni eru nú unnin sameiginlega?
Farið yfir þau verkefni sem sveitarfélögin eiga nú samstarf um s.s. barnaverndarnefnd, málefni fatlaðra, landupplýsingakerfi.

d) Hvaða verkefni eru áhugaverð samstarfsverkefni?
Rætt um sameiginleg hagsmunamál og möguleg önnur samstarfsverkefni í starfsemi sveitarfélaganna með það að leiðarljósi að efla þá þjónustu sem þegar er til staðar í sveitarfélögunum og styrkja þannig stoðir þessa samfélaga.

Fram kom hugmynd um að setja þurfi á formlegan samráðsvettvang og samstarf sveitarfélaganna.
lagði bæjarráð Fjallabyggðar fram drög að samþykktum fyrir samstarf sveitarfélaga á Tröllaskaga.
Bæjarfélögin munu taka þessi drög til skoðunar.

Á sameiginlegum fundi bæjaráða Fjallabyggðar og Dalvíkurbyggðar 20. apríl s.l. lagði bæjarráð Fjallabyggðar fram drög að samþykktum fyrir samstarf sveitarfélaga á Tröllaskaga.
Í framhaldi af góðum fundi bæjarráðanna er nú lögð fram tillaga Dalvíkurbyggðar að viljayfirlýsingu um samstarf sveitarfélaganna á Tröllaskaga; Dalvíkurbyggðar og Fjallabyggðar.

Bæjarráð samþykkir að vísa framkomnum hugmyndum til afgreiðslu bæjarstjórnar.

Til máls tók Ólafur H. Marteinsson.
Bæjarstjórn samþykkir með 9 atkvæðum eftirfarandi viljayfirlýsingu.

Viljayfirlýsing um samstarf sveitarfélaga á Tröllaskaga;
Dalvíkurbyggðar og Fjallabyggðar.

1.      Bæjarstjórnir sveitarfélaganna á Tröllaskaga, Dalvíkurbyggðar og Fjallabyggðar, samþykkja að eiga með sér samstarf um sameiginleg hagsmunamál sveitarfélaganna, og efla og styrkja enn frekar núverandi samstarf þeirra, með það að leiðarljósi að efla þá þjónustu sem þegar er  til staðar í sveitarfélögunum og styrkja þannig stoðir þessara samfélaga.

2.      Samráðsfundir bæjarráða sveitarfélaganna skulu haldnir þegar þurfa þykir eða sveitarstjórnir óska eftir því skriflega og sé þá greint frá hvert fundarefni skuli  vera.   

3.      Um hvert það verkefni, þar sem lagt er til að sveitarfélögin taki upp samstarf, skal leggja sérstakan samning fyrir bæjarráð og bæjarstjórnir sveitarfélaganna þar sem m.a. kemur fram hvernig verka- og kostnaðarskipting skal vera.  

4.      Í sameiginlegum málum koma fulltrúar sveitarfélaganna sameiginlega fram fyrir hönd þeirra gagnvart ríkisvaldinu og öðrum eftir því sem við á. 

5.      Þetta samkomulag verður endurskoðað vorið 2012 með hliðsjón af því hvort ástæða er til að formgera samvinnu sveitarfélaganna enn frekar.