Bæjarráð Fjallabyggðar

Sýslumaðurinn á Siglufirði Ásdís Ármannsdóttir var boðin velkominn á fund bæjarráðs.

Farið var yfir núverandi verkefni sýslumannsins sjá neðanritað og framtíðar hugmyndir um rekstur skrifstofunnar en fyrirhugaðar breytingar á rekstri embættisins taka gildi um næstu áramót.

Rekin er skrifstofa bótanefndar skv. lögum nr. 69/1995 um greiðslu bóta til þolenda afbrota er hjá embættinu.                                       

·         Annast verkefni sem sýslumanni er falið skv. lögum nr. 47/2010 um sanngirnisbætur.

·        Gefur út leyfisbréf til starfsréttinda héraðsdóms- og hæstaréttarlögmanna og annast aðra umsjón þeirra verkefna sem sýslumönnum eru falin á grundvelli laga nr. 77/1998 um lögmenn, sbr. lög nr. 145/2013 um breytingu á ýmsum lögum vegna flutnings verkefna frá innanríkisráðuneytinu til sýslumannsembætta og annarra embætta og stofnana.

·         Annast skráningu og eftirlit með skráðum trúfélögum og lífsskoðunarfélögum á grundvelli laga nr. 108/1999 og reglugerðar 106/2014.

·         Ákvarðanir um kvaðaarf skv. 1. og 2. mgr. 50. gr. erfðalaga nr. 8/1962, sbr. reglugerð nr. 108/2014 um ákvarðanir varðandi kvaðabindingu arfs og niðurfellingu kvaðar.

·       Veita leyfi til dreifingar á ösku látins manns utan kirkjugarðs, sbr. reglugerð nr. 104/2014 um breytingu á reglugerð nr. 203/2003 um dreifingu ösku utan kirkjugarðs.

·         Veitir leyfi til tilfærslu líka í kirkjugarði eða flutning þeirra í annan kirkjugarð eða grafreiti. sbr. reglugerð nr.105/2014 um leyfi til tilfærslu eða flutning líka.

Sýslumannsembættin verða níu eftir breytingar og verður sýslumaður Fjallabyggðar staðsettur á Húsavík. Hinsvegar er ekki gert ráð fyrir breytingum á rekstri skrifstofunnar á Siglufirði. Ásdís leggur áherslu á gott samstarf við nýjan sýslumann.

Bæjarráð tók málið fyrir á fundi sínum þann 22. júlí s.l. og vísar því til umfjöllunar fræðslu og frístundanefndar. Leikskólastjóri óskar eftir heimild til að auka við stöðugildi við sérkennslu þ.e. 75% stöðugildi þroskaþjálfa og í eldhúsi, 25% stöðugildi. Einnig er óskað eftir heimild til að auka við undirbúningstíma starfsfólks, 35-40% stöðugildi.

Nefndin tekur undir sjónarmið leikskólastjóra um þörf á auknum mannafla við leikskólann og fellst á beiðni leikskólastjóra fyrir sitt leyti.
Nefndin bendir jafnframt á að endurmeta og gera viðaukatillögu við aðra kostnaðarliði sem falla undir almennan rekstrarkostnað leikskólans.

Í framhaldi af bókun fræðslu og frístundanefndar voru neðantaldir boðaðir á fund bæjarráðs til að fara betur yfir málið fyrir fund bæjarstjórnar í næstu viku.

Á fund bæjarráðs mættu Kristín María Hlökk frá leikskóla Fjallabyggðar og Ríkey Sigurbjörnsdóttir skólastjóri Grunnskólans.

Bæjarráð felur deildarstjóra fjármála og stjórnsýslu að kostnaðarmeta framkomnar óskir fyrir næsta fund í bæjarráði í samvinnu við aðstoðarleikskólastjóra.

Bæjarstjóri lagði fram tvö bréf er varðar sjóvarnir á Siglunesi.

Fyrra bréfið er dagsett 21. júlí 2014 og undirritað af Önnu M. Jónsdóttur og Birni Jónssyni. Í bréfinu kemur fram að í ágúst 2009 hafi þau lýst yfir miklum áhyggjum af landbroti af völdum sjávar en þau eru eigendur jarðar og frístundahúss á Siglunesi 7.

Vísað er og í minnisblað frá Siglingastofnun þar sem fram kemur það mat að veruleg þörf sé á landvörnum við hús þeirra sem og skemmu. Eigendur ítreka nauðsyn þess að samhliða vörnum við umrædda skemmu verði ráðist í varnir fyrir framan þeirra sumarhús.

Síðara bréfið er ritað 1. ágúst af Hreini Magnússyni. Fram kemur í bréfinu að áætlaður kostnaður við sjóvarnir sé vanmetinn. Einnig leggur hann áherslu á að núverandi vegur um landið muni ekki bera þann þunga sem ætlað er án mikils viðhalds.

Fram kemur í bréfinu að landeigandi mun ekki taka þátt í kostnaði við fyrirhugaðar framkvæmdir þar sem hann hafi ekki gefið sitt leyfi fyrir byggingarframkvæmdum á sínum tíma á óskiptu landi.

Lagt fram til kynningar.

Bæjarráð vill taka fram að framkvæmdarleyfi hefur ekki verið gefið út eins og fram kemur í bréfi Hreins.

Siglingastofnun hefur ákveðið að boða landeigendur á Siglunesi á fund þann 13. ágúst vegna fyrirhugaðra sjóvarna.

Lögð fram framvinduskýrsla fyrir snjóflóðavarnir á Siglufirði en um er að ræða 2. áfanga verksins.

Tilboð í framleiðslu stoðvirkja voru opnuð 5. febrúar 2013 og tilboð í uppsetningu stoðvirkja voru opnuð 16. apríl 2013.

Bæjarráð leggur áherslu á að framkvæmdum við 3. áfanga verði framhaldið og að áfanginn verði boðinn út í vetur.

Bæjarráð felur því bæjarstjóra að rita stjórn Ofanflóðasjóðs bréf þar sem lögð er áhersla á að framkvæmdum verði framhaldið eins og gert var ráð fyrir í upphafi þegar í framkvæmdirnar var ráðist til að tryggja öryggi bæjarbúa.

Lagt fram minnisblað bæjarstjóra er varðar fund með yfirlögreglustjóra á Akureyri um löggæslumál í Fjallabyggð.

Bæjarráð leggur áherslu á að gert verði átak gegn fíkniefnasölu í bæjarfélaginu og að hér verði ekki griðarstaður fyrir fíkniefnasala.

Bæjarráð hvetur foreldra til aðgæslu er þessi mál varðar.

Í bréfi framkvæmdarstjóra Tækifæris frá 26. maí 2014 kemur fram að hlutur Fjallabyggðar í fyrirtækinu er um 2,2 m.kr. eða 0,29%.
Fyrirtækið er nú að yfirfara, innkalla, og endurútgefa hlutabréf í fyrirtækinu.

Bæjarráð gerir ekki athugasemdir við áform fyrirtækisins er þetta varðar en telur rétt að ný hlutabréf verði í vörslu bæjarfélagsins eins og verið hefur. 

Bæjarstjóri lagði fram til kynningar samþykktir fyrir Ungmennaráð Fjallabyggðar. Starfstími ráðsins er frá 20. september til 10. júní ár hvert.

Ekki gekk að manna ráðið á síðasta starfsári og leggur bæjarráð áherslu á að tilnefning í ráðið eigi sér stað fyrir 20. september n.k.

Bæjarstjóra er falið að rita stjórnendum Grunnskóla Fjallabyggðar, Menntaskólans á Tröllaskaga og UÍF bréf er varðar tilnefningu þeirra en um er að ræða fimm fulltrúa og fimm til vara.

Lagðar fram til kynningar samþykktir um búfjárhald í Fjallabyggð frá 28. febrúar 2011.

Bæjarráð leggur til við bæjarstjórn að skipaður verði vinnuhópur er varðar búfjárhald í Fjallabyggð.

Hópnum verði falið að vinna tillögur um úrbætur og setja reglur í sambandi við búfjárhald og fjallskil í bæjarfélaginu.

Tilnefndir eru Jón Traustason, Jón Konráðsson og Ólafur Jónsson.

Aðalfundur Greiðrar leiðar verður haldinn 14. ágúst næst komandi.
Forseti bæjarstjórnar eða formaður bæjarráðs munu sækja fundinn í fjarveru bæjarstjóra sem mun taka hluta af sínu sumarleyfi frá næsta bæjarstjórnarfundi og til mánaðamóta.

Lagt fram til kynningar rekstraryfirlit fyrir sex fyrstu mánuðina.

Rekstrarniðurstaða tímabils er 7,7 milljónum betri en tímabilsáætlun gerir ráð fyrir, -30,2 millj. miðað við -22,5 millj.
Tekjur eru 6,6 millj. lægri en áætlun gerði ráð fyrir, gjöld 7,2 millj. lægri og fjárm.liðir 7,1 millj. lægri.