Bæjarráð Fjallabyggðar

Lagðar fram upplýsingar frá Teiknistofunni Víðihlíð 45 ehf, er varðar verðkönnun á verkfræðiþjónustu vegna stækkunar grunnskóla Fjallabyggðar í Ólafsfirði.

Verkfræðistofa Norðurlands, Verkís og VSÓ ráðgjafar, skiluðu inn verðhugmyndum í verkfræðiþjónustu vegna stækkunar skólans.

Deildarstjóri tæknideildar og bæjarstjóri leggja til að lægsta tilboði verði tekið en það er frá VSÓ ráðgjöf að upphæð 3,4 m. kr án vsk.

Bæjarráð leggur til við bæjarstjórn að gengið verði til samninga við lægst bjóðanda.

Bæjarstjóri lagði fram tillögur um fjárhagsáætlunarferlið, skilgreiningu á hlutverkum og tímasetningum.
 
Bæjarráð samþykktir eftirfarandi tímasetningar á umræðum á vegum bæjarráðs og bæjarstjórnar.

11.10.2011 Tímaplön - undirbúningur til kynningar í bæjarráði.
25.10.2011 Undirbúningur ræddur í bæjarráði.
02.11.2011 Verklok undirbúnings verður á fundi bæjarráðs.
08.11.2011 Bæjarráð vinnur að fjárhagsáætlun.
09.11.2011 Verklok undirbúnings til umræðu í bæjarstjórn.
15.11.2011 Bæjarráð vinnur að fjárhagsáætlun.
22.11.2011 Bæjarráð vinnur að fjárhagsáætlun.
29.11.2011 Bæjarráð afgreiðir tillögur til bæjarstjórnar.
30.11.2011 Fyrri umræða í bæjarstjórn.
06.12.2011 Tillögur til breytinga ræddar í bæjarráði.
14.12.2011 Síðari umræða í bæjarstjórn.

Bæjarstjóri lagði fram greinargerð fyrir vinnslu á starfsáætlun fyrir árið 2012 og var hún lögð fram til umræðu og skoðunar en vísað til frekari umræðu á næsta fundi bæjarráðs.

Bæjarstjóri, skrifstofu - og fjármálastjóri lögðu fram viðmiðunarkeyrslu á áætlun miðað við ákveðnar forsendur sem koma m.a. fram í greinargerð og málefnasamningi meirihlutans.

Svæðisskipulag Eyjafjarðar lagt fram til kynningar.

Bæjarráð telur rétt að skipulagshöfundar mæti á næsta fund bæjarráðs og geri grein fyrir þeim tillögum sem snerta bæjarfélagið Fjallabyggð sérstaklega.

Tillaga lögð fram til kynningar.
Frestur til að skila inn umsögnum og athugasemdum er til miðnættis 11. nóvember 2011.

Lagður fram undirskriftarlisti er varðar staðsetningu húsbíla og tjaldhýsa í miðbæ Siglufjarðar og er m.a. bent á gamla fótboltavöllinn sem kjörstað fyrir ferðamenn.
Lögð er áhersla á að laga þarf allt umhverfi á þeim stað til að sjá þetta verða að veruleika.

Bæjarráð tekur vel í fram komnar ábendingar og felur tæknideild að taka þær saman sem fram hafa komið um umrætt svæði.

Bæjarráð vill auk þess benda á að verið er að skoða hugmyndir um breytingar á miðbæjarsvæðið vegna framkominna tillagna og/eða hugmynda Rauðku ehf um að fjarlægja húsnæði Egilssíldar.

Bæjarráð telur rétt að kalla hagsmunaaðila saman til fundar þegar búið er að afla umræddra gagna.

Bæjarráð leggur til að eftirtaldir verði skipaðir í starfshóp um forvarnarstefnu Fjallabyggðar.

1. Gísli Rúnar Gylfason, íþrótta- og tómstundafulltrúi.

2. Nanna Árnadóttir formaður frístundanefndar.

3. Bjarkey Gunnarsdóttir f.h. meirihluta bæjarstjórnar.

4. S.Guðrún Hauksdóttir formaður fræðslunefndar.

5. Guðrún Árnadóttir f.h. minnihluta bæjarstjórnar.

Bæjarráð leggur til að starfshópurinn skili af sér fyrir 1.12.2011.

Íþrótta- og tómstundafulltrúa er falið að fara ítarlega yfir málin með félagsmálastjóra og fræðslu- og menningarfulltrúa til að tryggja að öll sjónarmið verði rædd af starfshópi bæjarráðs.

Bæjarráð leggur til að eftirtaldir aðilar verði skipaðir í starfshóp um öryggisáætlun Fjallabyggðar.

1. Ármann Viðar Sigurðsson, deildarstjóri tæknideildar.

2. Kristinn Gylfason f.h. meirihluta bæjarstjórnar.

3. Hilmar Elefsen f.h. minnihluta bæjarstjórnar.

Bæjarráð leggur til að starfshópurinn skili af sér fyrir 1.12.2011.

Bæjarráð leggur til að vinnuhópur um stefnumótun í þjónustu aldraðra verði endurskipaður og að hópinn skipi:
Félagsmálastjóri, Hjörtur Hjartarson, 
Rögnvaldur Ingólfsson formaður félagsmálanefndar f.h. meirihluta bæjarstjórnar og
Sólrún Júlíusdóttir f.h. minnihluta bæjarstjórnar.

Samningurinn lagður fram til kynningar.

Bæjarráð leggur til við bæjarstjórn að samningurinn verði samþykktur.

Lagðar fram upplýsingar frá umhverfisfulltrúa um útrýmingu og varnir gegn meindýrum í Siglufirði.

Bæjarráð telur rétt að ráðast strax í aðgerðir og að umhverfisfulltrúi gangi til samninga við Meindýravarnir Eyjafjarðar ehf.

Fundargerð lögð fram til kynningar.

Fjármálaráðstefna sveitarfélaga verður haldin dagana 13. og 14. október nk. í Reykjavík.
Bæjarráð samþykkir að tveir bæjarráðsfulltrúar sæki ráðstefnuna, ásamt bæjarstjóra og skrifstofu- og fjármálastjóra.

Fundargerðir lagðar fram til kynningar.

Lagt fram minnisblað félagsmálastjóra í tengslum við samþykkt ársþings SSNV 26. - 27. ágúst s.l. um greiðslur úr varasjóði byggðasamlags SSNV um málefni fatlaðra.
Bæjarráð felur bæjarstjóra að leita eftir frekari upplýsingum um málið hjá SSNV.

Lögð fram hvatning frá Sambandi íslenskra sveitarfélaga til sveitarstjórna, um kynningu á stöðu kvenna og karla, í tengslum við kvennafrídaginn.

Fulltrúum sveitarfélaga er boðið til viðtals hjá fjárlaganefnd.
Áætlaðir fundardagar eru 14. október og 4. nóvember, einnig boðið upp á fjarfund 12. október.
Bæjarráð samþykkir að bæjarstjóri og formaður bæjarráðs sæki fund fjárlaganefndar 4. nóvember.
Jafnframt var bæjarstjóra falið að leggja fyrir bæjarráð tillögu að erindum þeim sem bera á upp við fjárlaganefnd.

Lagt fram til kynningar lögfræðiálit er varðar samninga- og innkaupamál sveitarfélagsins.