Bæjarráð Fjallabyggðar

193. fundur 30. nóvember 2010 kl. 17:00 - 19:00 í ráðhúsinu á Siglufirði
Nefndarmenn
  • Ólafur Helgi Marteinsson formaður
  • Ingvar Erlingsson varaformaður
  • Helga Helgadóttir aðalmaður
  • Bjarkey Gunnarsdóttir áheyrnarfulltrúi
  • Sigurður V Ásbjarnarson bæjarstjóri
  • Ólafur Þór Ólafsson skrifstofu- og fjármálastjóri
Fundargerð ritaði: Ólafur Þór Ólafsson skrifstofu- og fjármálastjóri

1.Framhald verkefnis um hagsmunagæslu í úrgangsmálum

Málsnúmer 1011055Vakta málsnúmer





Samband Íslenskra sveitarfélaga sendi inn erindi þar sem óskað er eftir afstöðu samstarfsaðila til þess að áframhald verði á verkefni um hagsmunagæslu í úrgangsmálum næstu 3 árin, þ.e. frá 1. janúar 2011 til 31. desember 2013. Jafnframt er lögð fram sú breyting á fjármögnun verkefnisins að samstarfsaðilar á sviði úrgangsmála greiði 50% af kostnaði við stöðu verkefnisstjóra en að Umhverfisráðuneytið greiði hluta af kostnaði þessum.
Skipulags - og umhverfisnefnd tók málið til afgreiðslu á 103 fundi sínum og telur eðlilegt að vísa málinu til bæjarráðs.


 


Bæjarráð Fjallabyggðar leggur til við bæjarstjórn að Fjallabyggð taki þátt í verkefninu næstu þrjú árin þ.e. til 31.desember 2013 á grundvelli nýrra hugmynda um kostnaðarskiptingu. Áætlaður kostnaður Fjallabyggðar á ári er um 38.000.- á ári.

2.Rekstur á knattspyrnuvallasvæðum í Fjallabyggð

Málsnúmer 1010129Vakta málsnúmer









Í erindi KS/Leifturs sem tekið var fyrir á 189. fundi bæjarráðs var óskað eftir því að leitað verði til félagsins varðandi rekstur á knattspyrnuvallasvæðum í Fjallabyggð.
Á þeim fundi bókaði bæjarráð að ekki hefði verið tekin ákvörðun um skipulagsbreytingu varðandi rekstrarfyrirkomulag á vallarsvæðum.
Bæjarráð samþykkti hins vegar að boða forsvarsmenn félagsins á fund bæjarráðs til upplýsingar.


Á fund bæjarráðs mætti Hlynur Guðmundsson og reifaði nánar hugmyndir félagsins.
Bæjarráð samþykkir að skoða málið nánar í samvinnu við hlutaðeigandi.
   

3.Umræður um almannavarnir Fjallabyggðar

Málsnúmer 1011062Vakta málsnúmer

Bæjarstjórn vísaði skipun í almannavarnarnefnd til bæjarráðs.
Bæjarráð samþykkir óbreytta nefndarskipan frá síðasta kjörtímabili.

4.Umsókn um styrk vegna eldvarnarátaksins 2010

Málsnúmer 1011126Vakta málsnúmer






Landssamband slökkviliðs- og sjúkraflutningamanna hefur um árabil staðið straum af kostnaði vegna eldvarnarfræðslu grunnskólabarna og fjölskyldna þeirra. Rannsóknir sýna að eldvörnum á íslenskum heimilum er verulega ábótavant og því mikilvægt að halda uppi stöðugri fræðslu um mikilvægi þeirra.


Sambandið leitar eftir fjárframlagi frá Fjallabyggð til að standa undir kostnaði við að koma boðskap sínum til skila til almennings og barna.


Bæjarráð leggur til að veitt verði sama styrkupphæð og á síðasta ári.

5.Tilboð í Hitaveitu Ólafsfjarðar ehf.

Málsnúmer 1011117Vakta málsnúmer





Á 192. fundur bæjarráðs Fjallabyggðar sem haldinn var í ráðhúsinu á Siglufirði þriðjudaginn 23. nóvember 2010 var máli þessu frestað.
Búið er að kanna málið á milli funda og ljóst að bæjarfélagið getur selt fyrirtækið (kennitöluna) en nýr eigandi verður að breyta nafni félagsins, til að koma í veg fyrir þann skilning að bæjarfélagið standi að einhverju leyti á bak við reksturinn.
Bæjarráð samþykkir að gengið verði til samninga við tilboðsgjafa á grundvelli þeirra forsenda og markmiða sem fram hafa komið.

6.Vaktsvæði vegna Norðursiglinga

Málsnúmer 1011050Vakta málsnúmer







Kynnt var hugmynd í atvinnu- og ferðamálanefnd er lýtur að því því að sett verði upp setur í Fjallabyggð þar sem öll umræða varðandi siglingar um Norður-Íshafið verði vöktuð. 
Þetta yrði mögulega gert í samstarfi við Háskólann á Akureyri.
Samhliða því verði unnið að því, að í framtíðinni verði öll vöktun siglinga um Norður-Íshafið unnin frá Siglufirði.  Ennfremur að grunnviðbúnaður vegna slíkrar skipaumferðar verði á Siglufirði og að hér verði skilgreind neyðarhöfn vegna þessara siglinga með tilheyrandi útbúnaði.
Þessi hluti yrði unnin í nánu samstarfi við Utanríkisráðuneytið.
Bæjarráð fagnar framkomnum hugmyndum og felur bæjarstjóra að kanna málið frekar fyrir fyrsta fund bæjarstjórnar í janúar.

7.Fjárhagsáætlun 2011

Málsnúmer 1010148Vakta málsnúmer

Bæjarstjóri fór yfir framkvæmdakafla áætlunar 2011 og hvatti bæjarfulltrúa til að koma hugmyndum sínum á framfæri.

8.Ályktun SAMAN hópsins um unglingaskemmtanir

Málsnúmer 1011140Vakta málsnúmer

Lögð fram til kynningar, ályktun Saman - hópsins vegna skemmtana fyrir unglinga undir lögaldri á vínveitingastöðum. Í ályktun þeirra er lýst yfir áhyggjum af endurteknum unglingaskemmtunum á vegum einkaaðila fyrir börn undir lögaldri. Saman hópurinn skorar á sveitarfélög að hlúa að börnum og unglingum með því að vinna gegn skemmtunum á vegum einkaaðila á vínveitingastöðum.

9.Rekstrarupplýsingar janúar - október 2010

Málsnúmer 1011150Vakta málsnúmer

Lagðar fram rekstrarupplýsingar um rekstur Fjallabyggðar fyrir janúar - október 2010.

10.Fundargerð 781. fundar Sambands íslenskra sveitarfélaga frá 10. nóvember 2010

Málsnúmer 1011135Vakta málsnúmer

Miðvikudaginn 10. nóvember s.l. kom stjórn Sambands Ísl. sveitarfélaga saman til fundar í Reykjavík.

Eitt mál var tekið til afgreiðslu en það varðar verkaskipti ríkis og sveitarfélaga á sviði velferðarmála.

Fundargerð lögð fram til kynningar.

Fundi slitið - kl. 19:00.