Bæjarráð Fjallabyggðar

Með fundarboði fylgja drög að fjárhagsáætlun Fjallabyggðar fyrir árið 2027 og þriggja ára áætlun 2028-2030.

Fyrir liggur samantekt á umsóknum um styrki og framlög frá Fjallabyggð fyrir árið 2027.

Fyrir liggur samantekt á umsóknum um rekstrarstyrki til safna og setra fyrir árið 2027.

Fyrir liggur samantekt á umsóknum um styrki til hátíðarhalda og stærri viðburða í Fjallabyggð fyrir árið 2027.

Fyrir liggur samantekt á umsóknum um styrki og framlög til menningarmála fyrir árið 2027 í Fjallabyggð.

Fyrir liggur minnisblað frá sviðsstjóra og verkefnastjóra skipulags - og framkvæmdasviðs vegna framkvæmda við endurbætur á lagnarými og kjallararými sundhallar Siglufjarðar. Kostnaður vegna framkvæmda er nokkuð yfir áætlun en skv. minnisblaði skýrist sá kostnaður helst af tveimur umfangsmiklum verkþáttum. Annars vegar kom í ljós þegar gröftur hófst meðfram norðurhlið hússins að vatnsmagn var verulegt og var þá ákveðið að leggja dren meðfram norðurhlið og norðvesturhorni hússins. Líta má á þennan hluta sem fyrsta áfanga sem miðar að því að verja bygginguna gegn raka - og vatnsskemmdum.
Hins vegar þurfti svo að bregðast við nokkrum leka úr sundlaugarkerinu, áhorfendapalli og við gólfniðurföll í kringum laugina og þurfti að bregðast við þeim ófyrirséðu aðstæðum með nokkuð umfangsmiklum lagfæringum.

Fyrir liggja umsóknir sem bárust í störf sem auglýst voru á skíðasvæðinu í Skarðsdal fyrir rekstur á svæðinu í vetur, en auglýst var eftir umsóknum í starf umsjónarmanns svæðisins, í starf almenns starfsmanns og starf tveggja starfsmanna til vinnu á snjótroðurum og undirbúningi svæðis.

Ein umsókn barst í starf umsjónarmanns svæðisins, þrjár umsóknir bárust í starf almenns starfsmanns og þrjár umsóknir bárust í starf á snjótroðurum.

Fyrir liggur árlegt erindi frá Stígamótum þar sem óskað er eftir fjárstuðningi og samstarfi um reksturinn fyrir árið 2027.

Fyrir liggur erindi frá SSNE þar sem óskað er eftir tilnefningu Fjallabyggðar í fjölmenningarráð SSNE.

Fyrir liggur erindi frá nefnda - og greiningarsviði Alþingis þar sem sent er til umsagnar:
156.mál, Frumvarp til laga um breytingu á lögum um Byggðastofnun. Frestur til að senda inn umsókn er til og með 22.október n.k.
59. mál, Frumvarp til laga um breytingu á sveitarstjórnarlögum. Frestur til að senda inn umsókn er til og með 27. október n.k
88. mál, Tillaga til þingsályktunar um endurskoðun laga um sjávarflóðavarnir, ofanflóðavarnir og náttúruvá. Frestur til að senda inn umsögn er til og með 27.október n.k
202. mál, Loftslagslög. Frestur er til og með 29. október n.k