Málefni Leikskóla Fjallabyggðar - stjórnendaráðgjöf

Undir þessum lið sat Kristín María Hlökk Karlsdóttir aðstoðarskólastjóri Leikskóla Fjallabyggðar.

Fræðslu- og frístundanefnd lagði til í október að farið yrði í vinnu við eflingu starfsanda og ráðgjöf til stjórnenda.
Deildarstjóri fræðslu-, frístunda- og menningarmála upplýsti nefndina um þá vinnu sem er að fara af stað á næstu vikum.

Undir þessum lið sátu þær Olga Gísladóttir leikskólastjóri og Fanney Jónsdóttir fulltrúi starfsmanna.

Olga Gísladóttir og Kristín María Hlökk Karlsdóttir skólastjórnendur leikskólans luku í síðustu viku ríflega 10 mánaða námi í stjórnendaþjálfun. Stjórnendaþjálfun þessi ber nafnið Effective Leadership Development eða Árangursrík stjórnun frá Leadership Management International. Kristján Már Magnússon sálfræðingur frá Reyni-ráðgjafastofu stýrði þjálfuninni. Aðdragandi verkefnissins var tillaga fræðslu- og frístundanefndar í október 2017 um að farið yrði í vinnu við eflingu starfsanda og ráðgjöf til stjórnenda leikskólans eftir vísbendingar úr sjálfsmati skólans um að viðbragða væri þörf. Í kjölfarið var samið við Reyni ráðgjafastofu um áðurgreinda ráðgjöf og stjórnendaþjálfun. Í upphafi vinnunnar voru tekin viðtöl við starfsmenn leikskólans og samantekt úr niðurstöðum viðtalanna var kynnt á starfsmannafundi. Niðurstöður þessara viðtala voru einnig notaðar sem efniviður í stjórnendaþjálfuninni og námið þannig tengt verkefnum daglegs starfs í leikskólanum.
Olga kynnti upplifun sína og ávinning af þjálfuninni fyrir fundarmönnum.

Fyrir liggur skýrsla Kristjáns Magnússonar sálfræðings að stjórnendaþjálfun við Leikskóla Fjallabyggðar lokinni. Skýrslan er lögð fram til kynningar.

Greinargerð að lokinni stjórnendaþjálfun við Leikskóla Fjallabyggðar lögð fram til kynningar.