Fréttir

Það var heldur betur líf og fjör í Fjallabyggð í gær þegar börn og ungmenni klæddu sig upp í hina ýmsu búninga í tilefni af Öskudeginum. Samkvæmt hefð gengu börnin í verslanir og fyrirtæki og sungu fyrir starfsfólk í von um að fá góðgæti fyrir.

Árlegir Vetrarleikar UÍF hófust þann 24. febrúar sl. og standa þeir til 7. mars nk. Sem fyrr munu íþrótta- og ungmennafélögin í Fjallabyggð bjóða upp á fjölbreytta hreyfingu og viðburði þar sem allir ættu að finna eitthvað við sitt hæfi.

Náttúrugripasafnið í Ólafsfirði var fyrst opnað þann 6. júní 1993. Aðaluppistaða safnsins eru fuglar og að auki eru nokkur önnur uppstoppuð dýr eins og geithafur, hvítabjörn, refir og krabbar í eigu safnsins. Safnið var staðsett á efstu hæð í húsi Arion Banka í Ólafsfirði en unnið hefur verið að endurbótum Pálshúss í Ólafsfirði sem mun hýsa Náttúrugripasafnið.

Skafl er tilraunaverkefni sem fram fer í fyrsta sinn helgina 3. - 5. mars. Þar koma saman nokkrir kraftmiklir lista- og leikmenn sem hafa sérstakan áhuga á snjó og hafa jafnvel unnið með hann í verkum sínum. Eins og gefur að skilja eru snjóskaflar alla jafna orðnir ansi háir við umferðagötur á Siglufirði í mars, og er meiningin að kanna möguleika skaflanna sem uppsprettu listaverka.

Öskudagsskemmtun í Fjallabyggð verður haldin í Íþróttamiðstöðinni, Ólafsfirði kl. 14:00-15:00 í dag. Kötturinn sleginn úr tunnunni Leikjabraut fyrir yngstu börnin Foreldrafélag Leifturs

Á fundi bæjarráðs í dag þann 28. febrúar voru lagðar fram umsóknir umsækjenda um starf deildarstjóra stjórnsýslu- og fjármáladeildar. Umsóknarfrestur rann út 27. febrúar sl. og bárust 5 umsóknir um starfið.

Alls voru 136 blakleikir spilaðir í Fjallabyggð um helgina þegar Sigló Hótel - Benecta mótið 2017 var haldið. Samtals spiluðu 53 lið 136 blakleiki en mótinu lauk síðdegis í gær laugardag með verðlaunaafhendingu í Bátahúsinu.

Úrslitin í Allir lesa 2017 ljós. Þátttakendur lásu í samtals 43.567 klukkustundir, eða sem samsvarar um fimm árum! Liðakeppnin var æsispennandi að vanda og hafa fjölbreytt lið víðsvegar að af landinu raðað sér í efstu sætin. Í Fjallabyggð var meðallestur á þátttakenda heilar 49,4 klukkustundir, eða sem nemur rúmum tveimur sólarhringum á mann. Varð þessi frábæri árangur til þess að Fjallabyggð hafnaði í 2. sæti á eftir Strandabyggð.

Ráðstefna um ferðaþjónustu Fjallabyggðar, fimmtudaginn 9. mars í Tjarnarborg Ólafsfirði Ráðstefnan hefst klukkan 11:30 og stendur til 15:10

• Spinning í Íþróttamiðstöðinni í Ólafsfirði á mánudögum 06:30 og miðvikudögum kl. 17.00 og á auglýstum tíma á laugardögum kl. 10:00 • Spinning í Íþróttamiðstöðinni á Siglufirði á þriðjudögum kl. 17:00 og föstudögum kl. 12:15 Panta þarf hjól fyrir hvern tíma með því að hringja í síma 464-9250 á Ólafsfirði og í síma 464-9170 á Siglufirði. Athugið að ný gjaldskrá hefur tekið gildi. Stakur tími er á 1.350 kr. og 10 miða kort á 10.000 kr. Kennari er Harpa Hlín Jónsdóttir.