Hafnarstjórn Fjallabyggðar

Hafnarstjóri lagði fram og fór yfir minnisblað hans og yfirhafnarvarðar er varðar bætta aðstöðu til landgöngu farþega skemmtiferðaskipa, minnisblaðið er samið í kjölfar umræðu á 122. fundi hafnarstjórnar. Niðurstaða hafnarstjóra og yfirhafnarvarðar er að leggja til að flotbryggju til afnota fyrir Tenderbáta verði valinn staður milli Togarabryggju og Ingvarsbryggju, þ.e. valkostur 3 í framlögðu minnisblaði. Áætlaður kostnaður við aðstöðusköpun og uppsetningu bryggju er 13 millj.kr. án vsk.

Lögð eru fram drög að samstarfssamningi Fjallabyggðar og Síldarminjasafns Íslands um áframhaldandi markaðssetningu Siglufjarðarhafnar sem ákjósanlegum viðkomustað skemmtiferðaskipa.


Inn á fundinn komu Ríkey Sigurbjörnsdóttir deildarstjóri fræðslu-, frístunda- og menningarmála og Anita Elefsen safnstjóri Síldarminjasafns Íslands.

Yfirhafnarvörður fór yfir viðgerðir á flotbryggju í Syðri höfn en fara þurfti í þær eftir óveður sem gekk yfir Siglufjörð.

Hafnarstjóri fór yfir dagskrá komudags varðskipsins Freyju og, ásamt deildarstjóra tæknideildar og yfirhafnarverði, yfir framkvæmdir sem ráðast þarf í á og við Óskarsbryggju vegna skipsins.

Lagt er fram til kynningar yfirlit vegagerðarinnar um framkvæmdir sem framundan eru og eru að fullu fjármagnaðar af hálfu ríkisins.

Lögð fram umsókn þar sem Tengir hf. sækir um framkvæmdaleyfi vegna lagningar á ljósleiðara að Óskarsbryggju, Siglufirði.

Hafnarstjóri lagði fram og fór yfir tölur um landaðan afla með samanburði við fyrri ár. Á Siglufirði höfðu þann 31. október 18.616 tonn borist á land í 1.677 löndunum, samtímatölur fyrra árs eru 17.829 tonn í 1.739 löndunum. Á Ólafsfirði hefur 280 tonnum verið landað í 170 löndunum, á sama tíma í fyrra hafði 509 tonnum verið landað í 287 löndunum.

Hafnarstjóri lagði fram og fór yfir níu mánaða rekstraruppgjör hafnarsjóðs.

Lagðar fram til kynningar fundargerðir 437. og 438. fundar stjórnar Hafnarsambands Íslands