Framkvæmda-, hafna og veitunefnd Fjallabyggðar

Fyrir liggur samantekt á innviðum vatnsveitu í Ólafsfirði og ábendingar um ráðlagðar endurbætur.

Fyrir liggja upplýsingar vegna vatnstjóns sem varð á miðhæð og neðstu hæð ráðhússins föstudaginn 2.janúar s.l. Vatnslögn fór í sundur og vatn flæddi yfir gólfflöt og niður á neðstu hæð, þ.e. á bókasafnið. Tjónið er minniháttar og hefur verið tilkynnt til tryggingafélags.

Fyrir liggur samantekt framkvæmdasviðs á stöðu eftirlitskerfa vatns - og fráveitu í Fjallabyggð sem unnið hefur verið að undanfarin misseri. Fram kemur í samantektinni að búið er að setja upp eftirlitskerfi á fráveitubrunna í Ólafsfirði en uppsetning stendur yfir á Siglufirði.

Fyrir liggja fundargerðir stjórnar Hafnasambands Íslands.

Fyrir liggja upplýsingar um komur skemmtiferðaskipa og farþegafjölda á árinu 2025 sem og upplýsingar um bókunarstöðu á árinu 2026.

Fyrir liggur til kynningar skýrsla um framtíðarstefnu hafna sem byggir á niðurstöðum vinnustofu Hafnasambands Íslands sem haldin var í Ólafsvík í október 2025.

Fyrir liggja vinnuskjöl af stöðufundum framkvæmdasviðs af fundum 48-50.

Fyrir liggja upplýsingar um kynningarfund sem haldinn var fimmtudaginn 22.janúar þar sem farið var yfir fyrirhugaðar framkvæmdir og viðhaldsverkefni á árinu 2026.

Hafnasambandsþing 2026 verður haldið í Stapa í Reykjanesbæ 22.-23.október n.k. Gert er ráð fyrir því að 2 fulltrúar mæti á þingið f.h. Fjallabyggðarhafna.

Aflatölur fyrir árið 2025 liggja nú fyrir og jókst heildarafli sem landað var í Fjallabyggð lítillega frá árinu 2024 en aflaverðmæti hefur hins vegar aukist umtalsvert á milli ára.
Landaður heildarafli á Siglufirði var 15.103 tonn árið 2025 í 1.240 löndunum á móti 14.926 tonnum árið 2024 í 1.266 löndunum og landaður heildarafli á Ólafsfirði var 64 tonn í 114 löndunum árið 2025 á móti 135 tonnum árið 2024 í 120 löndunum. Samanlagt var því landaður afli á árinu 2025 í Fjallabyggð 15.167 tonn á móti 15.061 tonnum árið 2024.