Fræðslu- og frístundanefnd Fjallabyggðar

4. fundur 05. nóvember 2013 kl. 17:00 - 17:00 í Ráðhúsinu Gránugötu 24 Siglufirði
Nefndarmenn
  • Nanna Árnadóttir aðalmaður
  • S. Guðrún Hauksdóttir aðalmaður
  • Ásdís Pálmadóttir aðalmaður
  • Sólrún Júlíusdóttir aðalmaður
  • Ólafur Haukur Kárason aðalmaður
  • Hjörtur Hjartarson félagsmálastjóri
Fundargerð ritaði: Hjörtur Hjartarson félagsmálastjóri

1.Fjárhagsáætlun 2014 og 2015 - 2017

Málsnúmer 1304016Vakta málsnúmer

Umræður um fjárhagsáætlun og gjaldskrármál fræðslu, íþrótta-og tómstundamála og leiðréttingar og ábendingar sem fram hafa komið milli funda.
Á fundinum komu fram athugasemdir við nokkra gjaldaliði þar sem ekki er gert ráð fyrir 4% hækkun milli ára. Einnig farið yfir fyrirliggjandi tillögur að gjaldskrám fræðslu, íþrótta- og tómstundamála. Fræðslu- og frístundanefnd hefur þar með lokið yfirferð sinni á fjárhagsáætlun fyrir fyrri umræðu.

2.Styrkumsóknir 2014 - Frístundamál

Málsnúmer 1309010Vakta málsnúmer

Farið yfir fyrirliggjandi umsóknir um styrki til frístundamála og tillaga gerð til bæjarráðs.
Tvær umsóknir bárust eftir að umsóknarfresti lauk og er þeim vísað til bæjarráðs.

3.Skoðun á leikskólum Fjallabyggðar 2013

Málsnúmer 1310079Vakta málsnúmer

Lagt fyrir erindi frá Heilbrigðisfulltrúa Norðurlands vestra, varðandi leiktæki á lóð leikskólans á Siglufirði. Vekur hann athygli á að enn á eftir að lagfæra nokkur atriði sem gerðar voru athugasemdir við í skoðunarskýrslu BSI á árinu 2012.
Félagsmálastjóra falið að sjá til þess að gerð verði bragarbót á þeim atriðum sem um ræðir.

4.Erindisbréf fræðslu- og frístundanefndar

Málsnúmer 1311009Vakta málsnúmer

Lagt fram til kynningar.

5.Rekstraryfirlit september 2013

Málsnúmer 1310081Vakta málsnúmer

Lagt fram til kynningar.

6.Dagur gegn einelti - 8. nóvember

Málsnúmer 1310077Vakta málsnúmer

Erindi frá mennta- og menningarmálaráðherra og félags- og húsnæðismálaráðherra, dags. 16. október, upplýsingar um fyrirhugaða dagskrá Dagsins gegn einelti þann 8. nóvember nk.
Allir eru hvattir til að leggja sitt af mörkum til að einelti fái ekki þrifist í samfélaginu og skólar, samtök og vinnustaðir eru hvattir til að beina sjónum að jákvæðum samskiptum, jákvæðum skólabrag og starfsanda. Í tengslum við daginn eru allir hvattir til að skrifa undir þjóðarsáttmála gegn einelti, sem er aðgengilegur á vefslóðinni www.gegneinelti.is

7.Niðurstöður foreldrakönnunar

Málsnúmer 1311007Vakta málsnúmer

Kynntar niðurstöður sem gerð var meðal foreldra grunnskólabarna 1.-4. bekkjar. Í niðurstöðum könnunarinnar kemur m.a. fram að meirihluti foreldra vill halda núverandi fyrirkomulagi í 1.-4. bekk.

Fundi slitið - kl. 17:00.