Fræðslu- og frístundanefnd Fjallabyggðar

Salka Hlín Harðardóttir frístundafulltrúi sat fundinn undir þessum dagskrárlið. Hún fór yfir starfið í félagsmiðstöðinni það sem af er starfsári. Fræðslu- og frístundanefnd þakkar Sölku Hlín fyrir góða yfirferð og metnaðarfullt starf.

Skarphéðinn Þórsson forstöðumaður Íþróttamiðstöðva Fjallabyggðar sat undir þessum dagskrárlið og fór yfir aðsóknartölur í sundlaugar og líkamsræktar íþróttamiðstöðvanna á tímabilinu 4.9.2023-4.2.2024. Einnig fór hann yfir opnunartíma og vinnutíma starfsmanna á sama tímabili.

Undir þessum dagskrárlið sátu Kristín María Hlökk Karlsdóttir skólastjóri Leikskóla Fjallabyggðar og meðstjórnendur hennar þær Víbekka Arnardóttir deildarstjóri og staðgengill skólastjóra, Björk Óladóttir deildarstjóri og Guðný Huld Árnadóttir deildarstjóri.
Fyrir líðandi skólaár var sett saman stjórnendateymi, skipað áðurnefndum aðilum, og var verkefnið hugsað sem tilraunaverkefni til eins árs með endurmati í vor. Stjórnendur fóru yfir þá reynslu sem orðin er af vinnu stjórnendateymisins. Fram kom í máli þeirra að í heildina hefur verkefnið tekist vel og að vilji sé til áframhaldandi samstarfs. Fræðslu- og frístundanefnd leggur til við bæjarráð að verkefnið verði framlengt og að sama stjórnendateymi stýri leikskólanum á næsta skólaári. Nefndin tekur undir með stjórnendateyminu að lengri tíma þurfi til að slípa samstarf og festa skipulag í sessi.

Undir þessum dagskrárlið sátu Kristín María Hlökk Karlsdóttir skólastjóri Leikskóla Fjallabyggðar og meðstjórnendur hennar þær Víbekka Arnardóttir deildarstjóri og staðgengill skólastjóra, Björk Óladóttir deildarstjóri og Guðný Huld Árnadóttir deildarstjóri.
Lagt fram til kynningar.
Fræðslu- og frístundanefnd lýsir ánægju sinni með niðurstöður könnunarinnar sem fjallaði aðallega um samstarf og samvinnu foreldra við leikskólann.