Fræðslu- og frístundanefnd Fjallabyggðar

Haukur Sigurðsson forstöðumaður íþróttamiðstöðvar Fjallabyggðar sat undir þessum lið. Hann lagði fram tillögu að opnun íþróttamiðstöðvar Fjallabyggðar um páska 2020. Opnunin verður með svipuðu sniði og á síðasta ári. Fræðslu- og frístundanefnd samþykkir tillögu að páskaopnun fyrir sitt leyti.

Haukur Sigurðsson forstöðumaður Íþróttamiðstöðvar Fjallabyggðar sat undir þessum lið.
Hann fór yfir aðsókn í Íþróttamiðstöð Fjallabyggðar árið 2019. Samkvæmt aðsóknarkerfi íþróttamiðstöðvarinnar var gestafjöldi á Siglufirði 38.592 manns og í Ólafsfirði 38.585 manns

Olga Gísladóttir leikskólastjóri og Fanney Jónsdóttir fulltrúi starfmanna sátu undir þessum lið. Nú eru 118 nemendur í Leikskóla Fjallabyggðar og stefnir í að fjöldi þeirra verði 124 í vor. Við skólann starfa 38 starfsmenn í 35 stöðugildum. Kristín María Hlökk Karlsdóttir aðstoðarleikskólastjóri er í námsleyfi á vorönn. Guðný Huld Árnadóttir leysir 50% aðstoðarleikskólastjórastöðu á Leikskálum á meðan og Þuríður Guðbjörnsdóttir leysir af 50% aðstoðarleikskólastjórastöðu á Leikhólum. Skólastjóri hefur viðveru á báðum starfsstöðvum eins og kostur er.

Olga Gísladóttir leikskólastjóri og Fanney Jónsdóttir fulltrúi starfsmanna sátu undir þessum lið.
Forhönnun af endurnýjun skólalóðar Leikskóla Fjallabyggðar Leikhóla lögð fram til kynningar. Fræðslu- og frístundanefnd fagnar fyrirhuguðum framkvæmdum við skólalóð Leikhóla sumarið 2020. Þegar þessum áfanga lýkur hafa allar skólalóðir við Leik- og Grunnskóla Fjallabyggðar verið endurnýjaðar.
Teikningar verða hengdar upp á deildum Leikhóla og lagðar fram til kynningar á fundi foreldraráðs Leikskóla Fjallabyggðar.

Lagt fram til kynningar.

Lykiltölur um skólahald 2018 eftir sveitarfélögum lagðar fram til kynningar. Um er að ræða samantekt Sambands íslenskra sveitarfélaga á helstu lykiltölum um leik- og grunnskóla eftir sveitarfélögum vegna rekstrarársins 2018. Gögnin eru fengin frá Hagstofu Íslands og úr ársreikningum sveitarfélaga og sundurliðunum.

Handbók um velferð og öryggi barna í grunnskólum hefur verið endurútgefin. Handbókin lögð fram til kynningar.

Lagt fram til kynningar.