Fræðslu- og frístundanefnd Fjallabyggðar

Haukur Sigurðsson forstöðumaður íþróttamiðstöðva sat undir þessum lið. Erindi frá stjórn UÍF tekið fyrir. Stjórn UÍF óskar eftir nánari leiðbeiningum um hvert aðildarfélög UÍF beini tilfallandi óskum um frítíma um helgar og í hvaða formi. Lögð fram drög að verkreglum þar um. Deildarstjóra fræðslu-, frístunda- og menningarmála falið að ljúka við verkreglur til birtingar á heimasíðu Fjallabyggðar og svara erindi stjórnar UÍF.

Haukur Sigurðsson forstöðumaður íþróttamiðstöðva sat undir þessum lið.

Fundargerð fyrsta fundar stýrihóps um Heilsueflandi samfélag lögð fram til kynningar.

Formleg umsókn til Landlæknisembættisins um aðild Fjallabyggðar að verkefninu Heilsueflandi samfélag hefur verið send. Tengiliður sveitarfélagsins við Embætti landlæknis er deildarstjóri fræðslu-, frístunda- og menningarmála.

Í tilefni af umsókn sveitarfélagsins eru nú auglýstir fríir dagar í líkamsræktum sveitarfélagsins og sérstakir kynningartímar í spinning og líkamsrækt. Boðið er upp á kennslu á líkamsræktartækin á ákveðnum tímum þessa daga. Leiðbeinendum eru færðar sérstakar þakkir fyrir.

Haukur Sigurðsson forstöðumaður íþróttamiðstöðva sat undir þessum lið.

Hin árlega ráðstefna Ungt fólk og lýðræði verður haldin 21.-23. mars nk. á hótel Borealis Efri-Brú í Grímsnes- og Grafningshreppi.
Yfirskrift ráðstefnunnar er Okkar skoðun skiptir máli. Ráðstefnan er ætluð ungu fólki á aldrinum 16-25 ára. Fjöldi þátttakenda er takmarkaður við 2 frá hverju Ungmennaráði.
Fræðslu- og frístundanefnd hvetur Ungmennaráð til að senda fulltrúa á ráðstefnuna.

Olga Gísladóttir leikskólastjóri og Hulda Teitsdóttir fulltrúi foreldra sátu undir þessum lið. Kynningarbréf um skimunarefnið MIO, Stærðfræðin, einstaklingurinn, aðstæðurnar, lagt fram til kynningar. Um er að ræða skimunartæki í stærðfræði fyrir leikskóla sem gefið hefur verið út, þýtt og staðfært af Dóróþeu Reimarsdóttur, Jóhönnu Skaftadóttur og Þóru Rósu Geirsdóttur.

Leikskólastjóra og deildarstjóra er falið að skoða efnið og með hvaða hætti skimunartækið nýtist leikskólanum. Ekki er tímabært að innleiða tækið að svo stöddu.

Endurskoðun frístundastefnu er ekki lokið.
Fræðslu- og frístundanefnd felur deildarstjóra og formanni fræðslu- og frístundanefndar að endurskoða og uppfæra núgildandi frístundastefnu og leggja drög fyrir nefndina í byrjun apríl. Drögin verða send hagsmunahópum til umsagnar.

Haukur Sigurðsson forstöðumaður íþróttamiðstöðva sat undir þessum lið.

Lögð fram áætlun um opnun sundlauga og íþróttamiðstöðva um páska 2018. Dagana 29. mars - 2. apríl 2018 verður opið kl. 10 - 18 í báðum byggðarkjörnum.