Félagsmálanefnd Fjallabyggðar

Á 89. fundi félagsmálanefndar, 29. maí 2015, lagði deildarstjóri fjölskyldudeildar fram minnisblað varðandi stefnumótun um rekstur leiguíbúða Fjallabyggðar. Nefndin samþykkti að málið yrði áfram til umfjöllunar á næsta fundi.

Varðandi áframhaldandi vinnu máls þarf að taka eftirtalin atriði til skoðunar:

a) Mat á þörf fyrir fjölda leiguíbúða.
Nefndin leggur til að haldið verði áfram sölu íbúða.

b) Tillögu um hvaða húseignir verða settar í söluferli.
Nefndin telur að rétt að bæjarfélagið stefni að því til framtíðar að eiga eftirtaldar húseignir:
Hvanneyrarbraut 42 Siglufirði 8 íbúðir
Ólafsveg 32 Ólafsfirði 8 íbúðir
Hlíðarvegur 45-47 Siglufirði 29 íbúðir.

c) Endurskoðun á reglum um úthlutun leiguíbúða
Fjallabyggðar.
Nefndin telur eðlilegt að úthlutunarreglur séu í reglulegri endurskoðun.

d) Endurmat á leiguverði.
Nefndin vísar ákvörðun um endurmat á leiguverði til fjárhagsáætlunargerðar.

e) Mat á viðhaldsþörf húseigna.
Nefndin telur rétt að við gerð fjárhagsáætlunar verði sett aukið fjármagn til viðhalds húseigna Íbúðasjóðs.

Erindi samþykkt.

Erindi hafnað.

Erindi samþykkt.

Erindi samþykkt.

Heilbrigðisstofnun Norðurlands (HSN) hefur tilkynnt félagsþjónustum sveitarfélaga á Norðurlandi um 50% hækkun á söluverði matarbakka til félagsþjónustu frá og með 1. júlí 2015, úr 700 kr. í 1.050 kr.

Fjallabyggð kaupir matarbakka af HSN fyrir eldri borgara og öryrkja á Siglufirði og hádegismat fyrir dagþjónustu aldraðra í Skálarhlíð á Siglufirði.

Í kjölfar tilkynningar Heilbrigðisstofnunar Norðurlands um hækkun á söluverði matarbakka til félagsþjónustu sveitarfélaga sendi deildarstjóri fjölskyldudeildar verðfyrirspurn dags. 04.06.2015, til þjónustuaðila á Siglufirði vegna kaupa á matarbökkum til heimsendingar til eldri borgara og öryrkja og kaupa á hádegismat fyrir dagþjónustu aldraðra á Siglufirði.

Engin svör bárust við verðfyrirspurn.

Lögð fram til kynningar ráðning starfsmanns með skerta starfsgetu í hlutastarf hjá fjölskyldudeild Fjallabyggðar.

Félagsmálanefnd lýsir ánægju sinni með ráðninguna og vísar því sem snýr að fjárheimildum fyrir árið 2016 til bæjarráðs.

Lagt fram rekstraryfirlit fyrir sex fyrstu mánuði ársins.

Félagsþjónusta: Rauntölur, 57.217.422 kr. Áætlun, 46.463.498 kr. Mismunur; -10.753.924 kr.
Heilbrigðismál: Rauntölur, 2.994.000 kr. Áætlun 2.994.000 kr. Mismunur; 0 kr.
Íbúðasjóður: Rauntölur, -9.162.122 kr. Áætlun, 2.852.400 kr. Mismunur; 12.014.522 kr.

Í tengslum við umræður um virkniúrræði og skilyrðingar í fjárhagsaðstoð sveitarfélaga:
Lagðar fram til kynningar reglur um fjárhagsaðstoð frá Fjallabyggð.
Kynning á verkefni Rökstóla, She Empowers og
Áfram! tilraunaverkefnis Hafnarfjarðarbæjar.

Til umfjöllunar á haustþingi Alþingis verður reglugerð um skilyrðingar í fjárhagsaðstoð.

Frekari umfjöllun varðandi reglur um fjárhagsaðstoð frá Fjallabyggð er frestað þar til reglugerð liggur fyrir.

Lögð fram til kynningar könnun Varasjóðs húsnæðismála á leiguíbúðum sveitarfélaga 2014.
Í könnuninni kemur fram að Fjallabyggð er í hópi þeirra sveitarfélaga sem hafa hvað mest framboð af félagslegum leiguíbúðum. Fjallabyggð er í sjöunda sæti með 3,7 íbúðir á hverja 100 íbúa.

Lagðar fram til kynningar fundagerðir þjónustuhóps Róta frá 31. mars og 27. maí 2015.

Landsfundur jafnréttisnefnda sveitarfélaga verður haldinn í Fljótsdalshéraði 8. og 9. október nk.

Nefndin leggur til að Hrafnhildur Ýr Denke Vilbertsdóttir sæki landsfundinn fyrir hönd Fjallabyggðar.