Bæjarráð Fjallabyggðar

Bréf Atvinnuvega- og nýsköpunarráðuneytis, dags. 20. október s.l. um úthlutun byggðakvóta lagt fram til kynningar.
Um er að ræða 300 þorskígildistonn fyrir Ólafsfjörð og 94 tonn fyrir Siglufjörð.
Vilji sveitarstjórn leggja til við ráðuneytið að sett verði sérstök skilyrði varðandi úthlutun byggðakvóta sveitarfélagsins skal hún skila rökstuddum tillögum sínum fyrir 1. nóvember 2014. Tillögur sem berast eftir þann tíma verða ekki teknar til greina.
Bæjarráð vísar erindinu til umfjöllunar í Atvinnumálanefnd.

Lögð fram beiðni um framkvæmda-og búnaðarstyrk frá Björgunarsveitinni Tindi og er bréfið dags. 20. október s.l.
Sótt erum um kr. 2.8 m.kr.
Bæjarráð vísar málinu til gerðar fjárhagsáætlunar fyrir árið 2015.

Lagður fram tölvupóstur dags. 20. október s.l. um aðstoð og velvild í garð RVK "studios". Um er að ræða sjónvarpsþætti, 10 þætti núna í haust. Þáttaröðin ber nafnið Ófærð.
Bæjarráð fagnar verkefninu og felur deildarstjóra tæknideildar að vera tengiliður f.h. sveitarfélagsins í samráði við löggæslumenn.
Bæjarráð leggur áherslu á að kostnaður leggist ekki á bæjarfélagið vegna þessa verkefnis.

Lagt fram bréf frá skólameistara Menntaskólans á Tröllaskaga dags. 17. október 2014, er varðar fyrirhugaðar kvikmyndasýningar í Tjarnarborg.
Bæjarráð vísar erindinu til gerðar fjárhagsáætlunar fyrir árið 2015.

Ósk um tilnefningu fulltrúa bæjarfélagsins í starfshóp um mótun starfsemi Flokkunar til framtíðar.
Bæjarráð leggur til að Ríkharður Hólm Sigurðsson verði fulltrúi Fjallabyggðar.

Á 356. fundi bæjarráðs var lagt fram minnisblað deildarstjóra stjórnsýslu- og fjármála varðandi söluheimild fyrir leiguíbúðir og ábendingu um kaup á íbúð. Afgreiðslu erindis var þá frestað.
Bæjarráð samþykkir söluheimild á umræddum íbúðum og er lögð áhersla á að leigjendur hafi forkaupsrétt.

Námskeið var haldið á Akureyri 27. október sl.
Eftirtaldir bæjarfulltrúar sóttu námskeiðið: Steinunn María Sveinsdóttir, Kristjana R. Sveinsdóttir, Ríkharður Hólm Sigurðsson, Anna Þórisdóttir, Brynja Ingunn Hafsteinsdóttir, Guðný Kristinsdóttir og bæjarstjóri Sigurður Valur Ásbjarnarson.

Fundargerð frá 2. október sl. lögð fram til kynningar.
Málum er tengjast fjárhagsáætlunargerð er vísað til frekari umræðu í bæjarráði.

Lögð fram fundargerð deildarstjóra Fjallabyggðar.
Málum er tengjast fjárhagsáætlunargerð er vísað til frekari umræðu í bæjarráði.

Í rafbréfi Umhverfis- og samgöngunefndar Alþingis frá 17. október 2014, er frumvarp til laga um vegalög (gjaldtaka af umferð o.fl., EES-reglur), 157. mál, sent til umsagnar.

Bæjarráð gerir ekki athugasemd við frumvarpið.

Í rafbréfi Allsherjar- og menntamálanefnd Alþingis, frá 23. október 2014, er frumvarp til laga um verslun með áfengi og tóbak o.fl. (smásala áfengis), 17. mál, sent til umsagnar.

Bæjarráð gerir ekki athugasemd við frumvarpið.

Fundagerðir 13. og 14. fundar lagðar fram til kynningar.