Bæjarráð Fjallabyggðar

343. fundur 10. júní 2014 kl. 17:00 - 19:00 á bæjarskrifstofum Ólafsvegi 4, Ólafsfirði
Nefndarmenn
  • Þorbjörn Sigurðsson formaður
  • Helga Helgadóttir aðalmaður
  • Egill Rögnvaldsson aðalmaður
  • Sigurður V Ásbjarnarson bæjarstjóri
Fundargerð ritaði: Sigurður Valur Ásbjarnarson bæjarstjóri

1.Beiðni um ársleyfi frá störfum

Málsnúmer 1404067Vakta málsnúmer

Arnar Freyr Þrastarson óskar eftir launalausu ársleyfi sem tæknifulltrúi Fjallabyggðar frá og með næsta hausti.

Bæjarráð samþykkir fram komna ósk og felur deildarstjóra tæknideildar að undirbúa auglýsingu um tímabundna ráðningu eða kaup á þjónustu þar til tæknifulltrúi kemur aftur til starfa.

2.Fjárhagsáætlun 2014 - viðhald gatna og gangstétta

Málsnúmer 1402065Vakta málsnúmer

Lagðar fram upplýsingar um viðhald gatna og gangstétta á árinu 2014.

3.Hafnasambandsþing 2014 í Dalvíkurbyggð og Fjallabyggð

Málsnúmer 1401129Vakta málsnúmer

Hafnasambandsþing verður haldið 4. og 5. september á Dalvík og í Fjallabyggð. Fundurinn verður haldinn í Tjarnarborg á Ólafsfirði.

4.Innlausn á Námuvegi 11 Ólafsfirði

Málsnúmer 1405047Vakta málsnúmer

Bæjarstjóri hefur gert tilboð í Námuveg 11 Ólafsfirði. Um er að ræða innköllun á lóð, ásamt kaupum á girðingu og húsnæði.

Olíudreifing efh hefur samþykkt kaupverðið að upphæð kr. 500.000.-.

Bæjarráð samþykkir tilboðið og felur bæjarstjóra að ganga frá kaupum á umræddri eign og útbúa viðauka fyrir næsta fund bæjarstjórnar.

Bæjarráð leggur áherslu á að svæðið verði einnig notað fyrir gámageymslusvæði.

5.Málefni Leyningsáss ses.

Málsnúmer 1206038Vakta málsnúmer

Lagðar fram fundargerðir til kynningar.

1. Frá 20. janúar 2014, staða á golfverkefni á Siglufirði.

2. Frá 28. maí 2014, framkvæmdir á golfvelli á Siglufirði í sumar.

3. Frá 15. apríl 2014, skíðasvæðið í Skarðsdal.

4. Frá  28. maí 2014, frá vetraríþróttanefnd.

 

6.Siðanefnd Sambands íslenskra sveitarfélaga

Málsnúmer 1406005Vakta málsnúmer

Á öðrum fundi Siðanefndar Sambands ísl. sveitarfélaga var ákveðið að senda út kynningarbréf á öll sveitarfélög til að kynna nefndina fyrir kjörnum fulltrúum.

Lagt fram til kynningar.

7.Tímabundin breyting á verkaskiptingu ríkis og sveitarfélaga

Málsnúmer 1406006Vakta málsnúmer

Lagt fram bréf frá Innanríkisráðuneytinu dags. 28. maí 2014 er varðar tímabundna breytingu á verkaskiptingu ríkis og sveitarfélaga.

Jöfnunarsjóður sveitarfélaga mun innheimta hlutdeild sveitarfélagsins í umræddum verkefnum á grundvelli íbúafjölda í desember 2014 sem var 2016.

Áætlaður kostnaður Fjallabyggðar er 1.548.630 kr. og er dregið af útgjaldajöfnunarframlagi ársins.

Lagt fram til kynningar.

8.Umsókn um styrk á móti menningarviðburðum

Málsnúmer 1405048Vakta málsnúmer

Lögð fram umsókn um styrk til að mæta innheimtu fasteignagjalda. Viðkomandi aðili greiðir gjaldið með menningarviðburðum á árinu 2013 og 2014.

Bæjarráð samþykkir styrk á móti fasteignarskatti ársins í samræmi við reglur bæjarfélagsins.

Bæjarráð vísar málinu til frekari skoðunar í markaðs- og menningarnefnd.

9.Bókasafn Fjallabyggðar, Ólafsfirði - endurbætur

Málsnúmer 1401133Vakta málsnúmer

Ráðgert var að opna tilboð í breytingar á Ólafsvegi 4 þann 4. júní s.l., en engin tilboð bárust.

Tveir sóttu útboðsgögn en skiluðu ekki inn tilboðum.

Bæjarráð telur rétt að auglýsa útboðið aftur um miðjan júlí n.k með verktíma frá ágúst fram til áramóta í samræmi við samþykkta fjárhagsáætlun bæjarstjórnar.

Bæjarráð leggur áherslu á að bæjarfélagið haldi uppi þjónustu við íbúa Ólafsfjarðar að Ólafsvegi 4 þar til í framkvæmdir verður ráðist.

Afgreiðslutími verði auglýstur og er lögð áhersla á að deildarstjórar bæjarfélagsins sem og bæjarstjóri hafi þar fasta auglýsta viðveru.

Stefnt er að því að nýtt bókasafn verði þar með opnað 1. janúar 2015.

Samþykkt samhljóða.

10.Fundargerðir stjórnar Hornbrekku 2014

Málsnúmer 1401021Vakta málsnúmer

Lögð fram fundargerð frá 3. fundi ársins sem haldinn var á Hornbrekku 27. maí 2014.

11.Fundargerðir stjórnar Sambands íslenskra sveitarfélaga 2014

Málsnúmer 1401020Vakta málsnúmer

Lögð fram fundargerð 816. fundar stjórnar frá 16. maí 2014.

Fundi slitið - kl. 19:00.