Bæjarráð Fjallabyggðar

Í erindi fræðslu- og menningarfulltrúa frá 7. janúar s.l. er lögð fram beiðni um yfirfærslu ónýttrar fjárheimildar frá 2012 vegna viðgerða á listaverkum í eigu Fjallabyggðar yfir á fjárhagsáætlun 2013.
Bæjarráð samþykkir aukafjárveitingu að upphæð 1.000.000,- sem komi af óráðstöfuðum fjárhagslið í fjárhagsáætlun 2013.

Á 60. fundi menningarnefndar var eftirfarandi bókað:

"Auglýst hefur verið eftir forstöðumanni Bóka- og héraðsskjalasafns Fjallabyggðar. Fjórar umsóknir bárust.
Sigríður Halldóra Gunnarsdóttir var sú eina sem uppfyllti þær menntunar- og hæfniskröfur sem auglýst var eftir og leggur menningarnefnd til við bæjarráð að hún verði ráðin til starfsins."

Bæjarstjóri lagði fram tölvupóst frá einum umsækjanda og eftir umræður og yfirferð þá var eftirfarandi fært til bókar.

Bæjarráð samþykkir að ráða Sigríði Halldóru Gunnarsdóttur í starf forstöðumanns Bóka- og héraðsskjalasafns Fjallabyggðar.

Eftirfarandi tillaga að fundartíma bæjarráðs var lögð fram af fulltrúum meirihluta.
"Bæjarráð hefur gert ákveðnar breytingar á fundartíma sínum á kjörtímabilinu og í framhaldi af síðasta fundi þá hefur verið rætt um, innan meirihlutans, að breyta þeirri samþykkt með eftirfarandi hætti.
Fundir bæjarráðs verði á þriðjudögum kl. 17.00, eins og var í upphafi kjörtímabilsins.
Tveir fundir á Ólafsfirði og einn á Siglufirði.

Lögð er áhersla á að það þarf að ná sátt um fundartíma í bæjarráði, til að bæjarfulltrúar geti sinnt sínum lögbundnu störfum, án þess að það rekist alvarlega á önnur verkefni eða skyldur þeirra.

Á síðasta ári var þessu þannig háttað að fundir bæjarráðs voru á þriðjudögum kl. 16.00.
Tveir fundir voru á Siglufirði og einn á Ólafsfirði."

Tillaga samþykkt með 2 atkvæðum. 
Egill Rögnvaldsson greiddi atkvæði á móti tillögunni.

Vegna áforma Velferðarráðuneytisins um hugsanlegar breytingar á skipulagi heilbrigðisþjónustu við utanverðan Eyjafjörð, samþykkir bæjarráð að fela bæjarstjóra að taka upp viðræður við heilbrigðisráðherra um framtíðarskipulag heilbrigðisþjónustunnar við utanverðan Eyjafjörð, ásamt bæjarstjóra Dalvíkurbyggðar.

Lagt fram til kynningar minnisblað frá Veðurstofu Íslands frá 12. desember 2012 fyrir Leyningsás ehf um framtíðaráform fyrir Skíðasvæðið í Skarðsdal með hliðsjón af snjóflóðahættu.  Einnig greinargerð Verkfræðistofu Siglufjarðar um athuganir, sem gerðar voru á möguleikum á að fullnægja öryggiskröfum á svæðinu.

Lagt fram til kynningar upplýsingabréf til eigenda Flokkunar frá 21.12.2012.  

Einnig minnisblað frá umhverfisfulltrúa Fjallabyggðar um sérmeðhöndlun sorps í sveitarfélaginu.

Bæjarráð telur rétt að haldinn verði samráðsfundur á vegum Eyþings um stöðu fyrirtækisins og framtíð brennslu úrgangs.

Fundargerð frá 10. janúar 2013 lögð fram til kynningar.
Bæjarráð samþykkir að vísa til umræðu í ungmennaráði minnispunktum sem fram koma í fundargerð um rýmisþörf félagsmiðstöðva.

Bæjarstjóri kynnti áform um yfirferð og varðveislu gamalla muna sem eru til geymslu í skólahúsnæðinu við Hlíðarveg á Siglufirði.