Bæjarráð Fjallabyggðar

Aðalfundur félagsins verður haldinn 1. júní 2012 á Hótel Sögu. Fjallabyggð á samkvæmt skipulagsskrá rétt á að skipa einn fulltrúa í fulltrúaráð.

Lagt fram til kynningar.

Húseigendur óskuðu eftir svörum frá bæjarráði eða bæjarstjórn er varðar framkvæmdir við vegaslóða að húseignum þeirra hér á Siglufirði.

Bæjarráð vísar í fyrri svör, sjá staðfestingu bæjarstjórnar.

78. fundur bæjarstjórnar samþykkti að vísa umfjöllun um 30 ára afmælihátíð Hornbrekku til fullnaðarafgreiðslu í bæjarráði.
Bæjarráð samþykkir að færa Hornbrekku gjöf að þessu tilefni.

Lagt fram til kynningar.

Vélsleðafélag Ólafsfjarðar óskar eftir að fá úthlutað svæði undir mótorkrossbraut vestan Óss í Ólafsfirði í samræmi við gildandi aðal- og deiliskipulag.

Bæjarráð samþykkir fram komna ósk og felur íþrótta og tómstundafulltrúa að útbúa samning í samræmi við reglur bæjarfélagsins sem tekur m.a. á þeim málum sem fagnefnd leggur áherslu á við yfirferð og skoðun á málinu.

Bæjarráð samþykkir umsókn um leyfi til að halda mót þann 2. júní 2012. Mótið er liður í röð móta til Íslandsmeistara í vélhjólaakstri.

Vegna framkominna óska felur bæjarráð bæjarstjóra að kalla saman þá aðila sem skrifuðu undir ósk um fund er varðar framtíðarskipulag á tjaldsvæðum bæjarbúa.

Bæjarráð leggur áherslu á þau svæði sem eru tiltæk, en felur tæknideild að loka svæðum vestan Snorrabrautar og færa tengla á önnur svæði.

Bæjarráð leggur áherslu á að starfræktar verði tvær upplýsingamiðstöðvar í Fjallabyggð með sama hætti og á árinu 2011. Bæjarstjóra er falið að auglýsa eftir starfsmönnum í verkefnið og er lögð áhersla á að aðsetur þeirra verði háttað með sama hætti og á síðasta ári. Gert er ráð fyrir sama opnunartíma og að ráðningin miðist við þrjá mánuði í 50% starf.

Bæjarstjóri lagði fram og fór yfir kynningu frá Olíudreifingu ehf. sem og viljayfirlýsingu.
Bæjarráð felur bæjarstjóra að ljúka vinnu við gerð viljayfirlýsingar.

Lögð fram til kynningar fundargerð almannavarna Eyjafjarðar frá 13. apríl 2012.

Bæjarráð fagnar því að ný stjórn sé tekin til starfa og þar með að vettvangsstjórn sé fullskipuð fyrir báða bæjarkjarna Fjallabyggðar.

Lögð er áhersla á að námskeið verði haldið sem fyrst fyrir vettvangsstjóra.

Lögð fram til kynningar samantekt frá AFE og AÞ um uppbyggingu á Grímsstöðum á Fjöllum.

Bæjarráð telur ekki tilefni til þátttöku í verkefninu.

Lagðir fram ársreikningur Moltu ehf. fyrir árið 2011.

Lagðir fram ársreikningar og skýrsla stjórnar fyrir Flokkun ehf. en eingarhlutur Fjallabyggðar er 4,2% að nafnvirði um 6,4 m.kr.

Lagðar fram fundargerðir AFE frá 30.12.2011, 11.01.2012 og frá 30.03.2012.

Lögð fram fundargerð 796. fundar stjórnar Sambands íslenskra sveitarfélaga frá 27. apríl 2012.

Lögð fram fundargerð stjórnar Hornbrekku, en hún tekur m.a. á umræðu um uppgjör og ársreikning fyrir árið 2011 sem og starfsmannamál.