Hafnsækin starfsemi í Fjallabyggð

Bæjarstjóri gerði grein fyrir fundi sem hann átti ásamt Ásgeiri Loga með fulltrúum Atvinnuþróunarfélags Eyjafjarðar, varðandi hafnsækna starfsemi og þá sérstaklega með fókus á Siglufjörð og hafnaraðstöðu þar og byggingar á staðnum.
Þetta var kynning á stöðu verkefnisins og ákveðið var að hittast aftur að tveimur vikum liðnum.
Ákveðið var að leggja áherslu á 3 liði í þessari vinnu, þ.e.

1. Þjónustuhöfn v. námavinnslu á NA-Grænlandi.
Leggjast í sölumennsku gagnvart dönskum undirverktökum sem eiga að standa fyrir aðstöðusköpuninni.
Okkar styrkur var talinn vera: húsakosturinn, djúphöfn, þröskuldurinn fremst í firðinum, göngin, Ak. flugvöllur, sjúkraflug, tíðni ferða milli Ak. og R.víkur, smiðjurnar á svæðinu, Slippurinn o.fl.
2. Þjónustu- öryggishöfn v. siglinga í norðurhöfum.
Geymsla undir öryggisbúnað o.fl.
3. Möguleiki til að fara af stað með millilandasiglingar inn á Norðurland, þar sem Siglufjörður yrði í aðalhlutverki, m.t.t. vöruhótels, frystigeymslu o.fl.

Lögð er þung áhersla á að Atvinnuþróunarfélagið skili verkefninu af sér fljótlega.

Málið kynnt og verður til frekari umfjöllunar á næsta fundi.

Bæjarstjóri lagði fram tillögu bæjarráðs um að setja upp verkefnastjórn og vinnuhóp til að takast á við hafnsækna starfsemi í Fjallabyggð.

Um er að ræða verkefnastjórn á vegum atvinnuþróunarfélagsins og vinnuhóp heimamanna.

Hanarstjórn gerir ekki athugasemdir við framkomnar tillögur.

Lagt fram til kynningar.

Lögð fram til kynningar greinargerð á íslensku og þýðingu á því efni yfir á ensku.

Lagt fram til kynningar.

Lagðar fram upplýsingar/staðreyndir um bæjarfélagið og starfsemi hafnarinnar.

Hafnarstjórn vill leggja áherslu á að lagfæra þarf kaflann um núverandi stöðu sjávarútvegs í Fjallabyggð.

Í erindi frá fulltrúa Olíudreifingar er óskað eftir viðræðum við sveitarfélagið með það að markmiði að hægt verði að gefa út sameiginlega viljayfirlýsingu vegna væntanlegrar þjónustumiðstöðvar í Siglufirði fyrir olíuleit og boranir á Drekasvæðinu sem og við A. Grænland.
Bæjarráð samþykkir að fela bæjarstjóra að taka upp viðræður við Olíudreifingu.

Bæjarstjóri gerði grein fyrir málinu. Farið var yfir kynningu frá Olíudreifingu ehf.

Bæjarstjóri lagði fram og fór yfir kynningu frá Olíudreifingu ehf. sem og viljayfirlýsingu.
Bæjarráð felur bæjarstjóra að ljúka vinnu við gerð viljayfirlýsingar.

Unnið hefur verið að viljayfirlýsingu og þar með samvinnu Fjallabyggðar við Olíudreifingu ehf.

Bæjarstjóri lagði fram viðbótargögn er varðar lóðarsamninga sem eru í gildi á hafnarsvæðinu.

Bæjarráð felur bæjarstjóra að ljúka málinu fyrir næsta fund.