Bæjarráð Fjallabyggðar

200. fundur 02. febrúar 2011 kl. 17:00 - 19:00 í ráðhúsinu á Siglufirði
Nefndarmenn
  • Ólafur Helgi Marteinsson formaður
  • Ingvar Erlingsson varaformaður
  • Helga Helgadóttir aðalmaður
  • Bjarkey Gunnarsdóttir áheyrnarfulltrúi
  • Ólafur Þór Ólafsson skrifstofu- og fjármálastjóri
Fundargerð ritaði: Ólafur Þór Ólafsson skrifstofu- og fjármálastjóri

1.Úthlutun byggðakvóta 2010 -2011

Málsnúmer 1101103Vakta málsnúmer

Ólafur H. Marteinsson vék af fundi undir þessum dagskrárlið og sæti hans tók Þorbjörn Sigurðsson.
Í framhaldi af afgreiðslu 199. fundar bæjarráðs kom Útgerðarfélagið Nesið ehf. því á framfæri í bréfi dagsett 28. janúar 2011, að fari svo að ekki fáist leiðrétting á úthlutunarreglum byggðakvóta, er varðar 1. mgr. 4.gr. þar sem orðið "sveitarfélags" kom í stað "byggðarlags", fái Útgerðarfélagið Nesið ehf. hvorki byggðarkvóta frá Ólafsfirði né Siglufirði.

Bæjarráð samþykkir að senda eftirfarandi bréf til ráðuneytisins.

Vísað er til fyrri samskipta vegna byggðakvóta og sérreglna Fjallabyggðar þar um, kvótaárin 2009/2010 og 2010/2011.

Bæjarráð Fjallabyggðar fer þess á leit við Sjávarútvegs- og landbúnaðarráðuneytið að í 1. mgr. 4. gr. reglugerðar 999/2010 standi ?sveitarfélags? í stað ?byggðarlags?.  Greinin orðist því þannig breytt: ?Skipting þess aflamarks, sem nú kemur í hlut byggðarlags, auk þess aflamarks byggðarlagsins sem kann að vera eftir af úthlutun fyrra fiskveiðiárs, skal að öðru leyti fara fram til einstakra fiskiskipa sem uppfylla skilyrði 1. gr., sbr. og reglur um sérstök skilyrði fyrir úthlutun byggðarkvóta í einstökum sveitarfélögum sem ráðuneytið staðfestir samkvæmt 2.-3. gr., eftir því sem við á, og skal skipt hlutfallslega af því aflamarki sem fallið hefur til viðkomandi byggðarlags, miðað við landaðan afla í þorskígildum talið innan viðkomandi sveitarfélags á tímabilinu ?????.?

Ástæður þessarar beiðni um breytingar á 4. gr. nú,  er að í sérreglum fyrir Fjallabyggð kvótaárið 2009/2010 er orðalagi 6. gr. reglugerðar 82/2010  breytt þannig að í stað orðalagsins ?hlutaðeigandi byggðarlaga? í upphafi greinarinnar kom ?sveitarfélagsins?. Þannig telur bæjarráð að sérreglur fyrir 2010/2011, sem þegar hafa verið samþykktar, séu í mótsögn við sérreglurnar frá fyrra ári og vilja bæjarráðs.

Það var einnig vilji bæjarráðs, við samningu sérreglna fyrir kvótaárið 2010/2011, að halda sig að mestu við þær reglur sem giltu við síðustu úthlutun, sbr. bréf dags. 14.01.2011.

Yfirsjón olli því hinsvegar, að breyting sem gerð var á 4. gr. reglugerðarinnar frá árinu áður, fór fram hjá bæjarráði og er það miður.

2.Árbók Ólafsfjarðar - starfsemi Fjallabyggðar

Málsnúmer 1011025Vakta málsnúmer

Í erindi ritstjóra og útgefanda Árbókar Ólafsfjarðar, frá 11. janúar 2011, kemur fram beiðni um aukna aðstoð við útgáfuna.

Bæjarráð samþykkir aukinn styrk að upphæð 200.000 kr. er komi frá fjárveitingarlið kynningarmála sveitarfélagsins.

3.Snjóflóðahættumat fyrir skíðasvæði í Siglufirði

Málsnúmer 1009145Vakta málsnúmer

Í fyrirspurn frá Snjóflóðasetri Veðurstofu Íslands er könnuð staða umfjöllunar nefnda sveitarfélagsins á hættumati fyrir Skarðsdal og Hólsdal.
Frístundanefnd og bæjarráð hafa fjallað um hættumatið en eftir á að fjalla um það í skipulags- og umhverfisnefnd.
Bæjarráð samþykkir að vísa hættumatinu til umfjöllunar í skipulags- og umhverfisnefnd.

Einnig var bent á að rekstraraðila skíðasvæða ber að gera skriflega áætlun um daglegt eftirlit skv. reglugerð 636/2009. Áætlunin skal samþykkt af viðkomandi sveitarstjórn að fengnu áliti frá Veðurstofu Íslands.
Í viðræðum bæjarstjóra hefur komið upp sá möguleiki að kaupa ráðgjöf snjóflóðaeftirlits Veðurstofu Íslands til að meta hættu.
Bæjarráð samþykkir að gengið verði til samninga við Veðurstofu Íslands að höfðu samráði við rekstraraðila skíðasvæðisins.

4.Upplýsingamiðstöð ferðamanna í Fjallabyggð nk. sumar

Málsnúmer 1101134Vakta málsnúmer

Samningur við Rauðku um upplýsingamiðstöð ferðamanna, rann út s.l. haust og ekki er áhugi hjá fyrirtækinu til endurnýjunar.
Bæjarráð samþykkir að auglýsa eftir umsjónaraðila með upplýsingamiðstöð í Fjallabyggð.

5.Hólavegur 83 Siglufirði, söluheimild

Málsnúmer 1101138Vakta málsnúmer

Á fund bæjarráðs kom deildarstjóri tæknideildar og fór yfir áætlaðan kostnað við að fjarlægja íbúðarhúsið að Hólavegi 83 Siglufirði og að gera lóðina byggingarhæfa.
Bæjarráð samþykkir tillögu tæknideildar um að bjóða húsið og bílskúrinn til sölu, með skilyrðum um að húsið og grunnurinn sé fjarlægður. 
Jafnframt samþykkir bæjarráð forkaupsrétt til handa núverandi leigjendum.

6.Fundagerðir vinnuhóps bæjarráðs um fræðslumál í Fjallabyggð

Málsnúmer 1101040Vakta málsnúmer

Fundargerð lögð fram til kynningar.

7.Útboð á snjómokstri

Málsnúmer 1011129Vakta málsnúmer

Undirritaðir samningar lagðir fram til kynningar

Á fund bæjarráðs kom deildarstjóri tæknideildar og kynnti þá samninga sem gerðir hafa verið við verktakana Bás ehf., Smára ehf. og Árna Helgason ehf. um snjómokstur fyrir sveitarfélagið.

8.Áætlun um viðbrögð við samfélagsáföllum

Málsnúmer 0906119Vakta málsnúmer

Lagt fram til kynningar erindi frá VSÓ ráðgjöf um gerð viðbragðsáætlunar fyrir Fjallabyggð við samfélagsáföllum.

9.Ráðstefna - fræðsla um náttúrutengda ferðamennsku

Málsnúmer 1101098Vakta málsnúmer

Vakin er athygli á ráðstefnu í Reykjavík helgina 5. - 6. febrúar 2011 um náttúrutengda ferðamennsku.

10.Verkfallslistar 2011

Málsnúmer 1012094Vakta málsnúmer

Lögð fram til kynningar auglýsing er birtist í Stjórnartíðindum um skrá yfir þau störf hjá sveitarfélaginu, sem undanskilin eru verkfallsheimild skv. 5.-8. tölulið 19. gr. laga nr. 94/1986 um kjarasamninga opinberra starfsmanna.

11.Skipulagsbreytingar Heilbr.stofnunar Fjallabyggðar

Málsnúmer 1101137Vakta málsnúmer

Lagðar fram til kynningar upplýsingar frá forstjóra Heilbrigðisstofnunarinnar Fjallabyggð um uppsagnir starfsmanna og skipulagsbreytingar vegna niðurskurðar á fjárlögum.

Fundi slitið - kl. 19:00.