Bæjarráð Fjallabyggðar

Með fundarboði bæjarráðs fylgdi skýrsla Strategíu vegna stjórnsýslu- og rekstrarúttektar á Fjallabyggð.

Með fundarboði bæjarráðs fylgdi útboðslýsing vegna vátryggingaútboðs Fjallabyggðar 2024-2026. Fjallabyggð óskar eftir tilboðum í vátryggingaþjónustu fyrir bæjarfélagið og tengda aðila. Þau atriði sem hér eru boðin út eru nánar skilgreind í verklýsingu og sundurliðuðu tilboðsskjali. Deildarstjóri stjórnsýslu- og fjármáladeildar óskar eftir heimild til að bjóða út vátryggingar bæjarfélagsins skv. útboðslýsingunni.

Með fundarboði bæjarráðs fylgdi minnisblað deildarstjóra stjórnsýslu- og fjármáladeildar þar sem hann óskar eftir heimild til þess að tilkynna um lokun bæjarskrifstofu vegna sumarleyfa starfsmanna frá 8. júlí til og með 21. júlí 2024.

Með fundarboði bæjarráðs fylgdu verkefnatillögur og drög að samstarfssamningi frá ReSource ehf. vegna vinnu við grænt bókhald og loftslagsstefnu Fjallabyggðar. Málið var tekið fyrir á 310. fundi skipulags- og umhverfisnefndar þar sem tæknideild er falið að vinna málið áfram.

Með fundarboði bæjarráðs fylgdi 3. fundargerð starfshóps um úrgangsmál í Fjallabyggð.

Með fundaboði bæjarráðs fylgdi skýrsla um niðurstöður starfshóps um komur skemmtiferðaskipa.
Hópurinn hittist á þremur vinnufundum. Allir skipaðir aðalmenn mættu til þeirra funda sem haldnir voru. Anita Elefsen mætti á einn fund og deildi með hópnum sinni sýn á hvernig staðan er í dag og þær úrbætur sem hún telur þörf á. Hafnarstarfsmenn deildu einnig með hópnum sínum hugmyndum að endurbótum. Hópurinn leitaðist við að ná utan um stöðuna eins og hún blasir við í dag og mynda sér skoðun á hvert sveitafélagið ætti að stefna með þennan málaflokk. Að lokum voru settar fram tillögur að aðgerðum.
Starfshópinn skipa: Tómas Atli Einarsson formaður, Arnar Þór Stefánsson, Þorgeir Bjarnason og Sigríður Ingvarsdóttir

Með fundarboði bæjarráðs fylgdu drög að ársreikningi Samtaka sjávarútvegssveitarfélaga vegna ársins 2023, sem sendur er til kynningar á öll aðildarsveitarfélög samtakanna. Í samræmi við samþykktir samtakanna verður ársreikningur í kjölfarið samþykktur af stjórn samtakanna og síðan lagður fram á aðalfundi.

Með fundarboði bæjarráðs fylgdi umsagnarbeiðni vegna umsóknar um rekstrarleyfi gistingar í flokki II frá Halarónni ehf vegna Hverfisgötu 8. Jafnframt fylgdu umsagnir byggingarfulltrúa og Slökkviliðs Fjallabyggðar.

Með fundarboði bæjarráðs fylgdi erindi Björns Jónssonar vegna grillhúss sem til stendur að reisa í Hvanneyrarskál. Óskað er eftir viðbótarframlagi að fjárhæð kr. 390.000 í tengslum við lokafrágang.

Með fundarboði bæjarráðs fylgdu 6. og 7. fundargerð starfshóps um fjárfestingar, framkvæmdir og viðhald á vegum Fjallabyggðar.

Með fundarboði bæjarráðs fylgdi fundargerð 63. fundar stjórnar SSNE.