Bæjarráð Fjallabyggðar

Lagðar fram tillögur að gjaldskrám fyrir árið 2024. Gjaldskrár og þjónustugjöld hækka að jafnaði um 6% frá 1. janúar 2024.

Lögð fram umsögn skipulags- og umhverfisnefndar vegna úthlutunar grænna styrkja fyrir árið 2024.

Markaðs- og menningarnefnd tók umsóknir um hátíðarhöld og stærri viðburði 2024 til umsagnar. Umsögn vísað til bæjarráðs.

Markaðs- og menningarnefnd tók umsóknir um styrki til rekstrar safna og setra 2024 til umsagnar. Umsögn vísað til bæjarráðs.

Umsóknir um styrki til menningarmála lagðar fram til kynningar. Markaðs- og menningarnefnd hefur lokið yfirferð umsókna og úthlutar styrkjum á fundi sínum í janúar 2024.

Lögð fram erindi sem vísað hefur verið til gerðar fjárhagsáætlunar.

Innkomnar ábendingar og tillögur íbúa vegna fjárhagsáætlunar 2024 teknar fyrir.
Niðurstaða færð í trúnaðarbók þar til fjárhagsáætlun 2024 verður endanlega samþykkt.

Lögð fram staðfesting bæjarfélagsins á stofnframlagi sínu til vegna kaupa á íbúðum Vallarbraut ásamt upplýsingum um form stofnframlags og sundurliðun á fjárhæð þess.

Niðurstaða færð í trúnaðarbók.

Samningur við Skíðafélag Ólafsfjarðar um rekstur skíðasvæðisins í Tindaöxl er runninn út.

Skýrsla starfshóps um stefnumótun og framtíðarsýn íþróttamála í Fjallabyggð lögð fram.

Lagður fram upplýsingapóstur frá Sambandi íslenskra sveitarfélaga um yfirstandandi vinnu vegna stöðunnar sem upp er komin í Grindavík.

Fyrir liggja gögn frá Sóta Travel ehf. um framvindu verkefnis vegna útgreiðslu samþykkts styrks á árinu 2023.

Fyrir liggja gögn um framvindu verkefnis um stefnumótunar- og þróunarverkefni um nærandi ferðaþjónustu. Verkefnið hlaut styrk á árinu 2023.

Skýrsla SSNE um samgöngu- og innviðastefnu Norðurlands eystra lögð fram til kynningar.

Í samráði við stjórn SSNE er starfsfólk að skoða möguleikann á að bjóða sveitarfélögunum að senda kjörna fulltrúa sína í kynnisferð á vegum SSNE til Danmerkur 4. - 7. mars 2024. Tilgangur ferðarinnar er að kynnast því hvernig sveitarfélög í Danmörku hafa tekist á við ýmis verkefni sem brenna á sveitarfélögum á Norðurlandi eystra s.s. íbúasamráð, samvinnu sveitarfélaga, samgöngumál og græna umbreytingu, svo dæmi séu tekin.

Ferðin mun eiga snertipunkt við RECET verkefnið sem SSNE og Eimur eru meðal þátttakenda; RECET er Evrópuverkefni sem ætlað er að aðstoða sveitarfélög í dreifðum byggðum við innleiðingu orkuskipta. Verkefnið er unnið í samstarfi við Energiakademiet á Samsø, og er stefnt á að heimsækja eyjuna í ferðinni og fá kynningu á reynslu þeirra, einkum í tengslum við íbúasamráð og orkuskipti. Einnig njótum við aðstoðar danska sendiráðsins á Íslandi við skipulagningu ferðarinnar sem hefur boðist til að skipuleggja heimsóknir og kynnisferðir fyrir hópinn.

Umhverfis- og samgöngunefnd Alþingis hefur sent til umsagnar frumvarp til laga um Jöfnunarsjóð sveitarfélaga, 478. mál. Þess er óskað að undirrituð umsögn berist eigi síðar en 30. nóvember nk.
Efnahags- og viðskiptanefnd Alþingis hefur sent til umsagnar frumvarp til laga um skatta og gjöld (gistináttaskattur, áfengisgjald o.fl.), 468. mál. Þess er óskað að undirrituð umsögn berist eigi síðar en 1. desember nk.