Framtíð Flugklasans

Mánudaginn 26. ágúst var haldinn fundur um framtíð Flugklasans Air 66N, með fulltrúum sveitarfélaga á Norðurlandi.
Á fundinn mættu tólf fulltrúar sveitarfélaga, frá sjö sveitarfélögum, Akureyrarbæ, Þingeyjarsveit, Eyjafjarðarsveit, Hörgársveit, Grýtubakkahreppi, Svalbarðsstrandarhreppi og Norðurþingi. Fulltrúar Langanesbyggðar og Dalvíkurbyggðar forfölluðust. Auk þess voru fulltrúar frá SSNE og SSNV viðstaddir fundinn.
Samtalið við sveitarfélögin mun halda áfram, en markmið fundarins var að fá fram sýn sveitarfélaganna á framhald verkefnisins og ræða næstu skref til að vinna að þeirri sýn. Rætt var um betur skilgreinda aðkomu ríkisins að verkefninu, samstarf innan svæðisins sem og samstarf við ferðaþjónustu og fleiri atvinnugreinar sem hafa hag af auknu millilandaflugi um Akureyrarflugvöll. Einnig var rætt um tekjusköpun á svæðinu og lífsgæði íbúa og var mikill samhljómur um mikilvægi þess að halda áfram að byggja upp beint millilandaflug um Akureyrarflugvöll auk þess að tryggja áframhaldandi vöxt þess sem er komið.

Með fundarboði bæjarráðs fylgdi erindi Flugklasans sem barst í framhaldi af fundi sveitarfélaga á Norðurlandi um málefni Flugklasans Air 66N.

Með fundarboði bæjarráðs fylgdi styrkumsókn Markaðsstofu Norðurlands vegna Flugklasans Air 66N fyrir starfsárið 2025.

Fyrir liggur fundarboð frá Markaðsstofu Norðurlands þar sem boðað er til fundar um málefni Flugklasans þann 2.apríl n.k. Óskað er eftir þátttöku sveitarstjóra/bæjarstjóra og/eða annarra fulltrúa sveitarfélagsins á fundinn.

Fyrir liggja drög að áskorun frá sveitarfélögunum á Norðurlandi til ríkisstjórnar og Alþingis um eflingu uppbyggingar og markaðssetningar millilandaflugs um Akureyrarflugvöll.

Fyrir liggur tillaga að áskorun frá sveitarfélögunum á Norðurlandi um aukna áherslu ríkisvaldsins á að koma að rekstri, fjárfestingu og markaðskynningu á Akureyrarflugvelli fyrir millilandaflug.