Staða skólastjóra Grunnskóla Fjallabyggðar

Hjörtur Hjartarson deildarstjóri félagsmáladeildar sat undir þessum lið.

Lagðar fram umsóknir umsækjenda um starf skólastjóra Grunnskóla Fjallabyggðar.

Eftirtaldir sóttu um starfið:

Erla Gunnlaugsdóttir, verkefnisstjóri sérkennslu.
Helena H. Aspelund, kennari.
Róbert Grétar Gunnarsson, starfsmaður Eimskips.

Allir aðilar voru metnir hæfir og voru öll boðuð í viðtal.

Bæjarstjóri og deildarstjóri félagsmáladeilar tóku starfsviðtöl við umsækjendur. Deilarstjóri félagsmáladeildar lagði fram tillögu um að Erla Gunnlaugsdóttir verði ráðin í starf skólastjóra Grunnskóla Fjallabyggðar.

Fræðslu- og frístundanefnd leggur til við bæjarráð að farið verði að tillögu bæjarstjóra og deildarstjóra félagsmáladeildar.

Lagðar fram umsóknir umsækjanda um starf skólastjóra Grunnskóla Fjallabyggðar. Eftirtaldir sóttu um starfið:
Erla Gunnlaugsdóttir, verkefnastjóri sérkennslu.
Helena H. Aspelund, kennari
Róbert Grétar Gunnarsson, starfsmaður Eimskips.

Umsækjendur voru öll metin hæf og voru boðuð í viðtöl. Bæjarstjóri og deildarstjóri félagsmáladeildar tóku starfsviðtöl við umsækjendur og var Erla Gunnlaugsdóttir metin hæfust.

Á 57. fundi Fræðslu- og frístundanefndar þann 9. ágúst sl. lagði deildarstjóri félagsmáladeildar fram tillögu um að Erla Gunnlaugsdóttir yrði ráðin í starf skólastjóra Grunnskóla Fjallabyggðar.

Fræðslu- og frístundanefnd leggur til við bæjarráð að farið verði að tillögu bæjarstjóra og deildarstjóra félagsmálanefndar í starf skólastjóra Grunnskóla Fjallabyggðar.

Bæjarráð samþykkir að ráða Erlu Gunnlaugsdóttur í starf skólastjóra Grunnskóla Fjallabyggðar og bíður Erlu velkomna til starfa.

Lagður fram tölvupóstur, dags. 15. ágúst 2018, frá Helenu Aspelund umsækjanda um stöðu skólastjóra Grunnskóla Fjallabyggar þar sem hún óskar eftir rökstuðningi fyrir ráðningu Erlu Gunnlaugsdóttur í starf skólastjóra Grunnskóla Fjallabyggðar.

Bæjarráð samþykkir að fela bæjarstjóra og deildarstjóra félagsmála að vinna málið áfram og leggja fyrir næsta fund bæjarráðs.

Þann 15. ágúst sl. óskaði Helena Aspelund, umsækjandi um stöðu skólastjóra Grunnskóla Fjallabyggðar eftir rökstuðningi fyrir ráðningu Erlu Gunnlaugsdóttur í starf skólastjóra Grunnskóla Fjallabyggðar.
Á 568. fundi bæjarráðs, 21.08.2018 óskaði bæjarráð eftir rökstuðingi frá bæjarstjóra og deildarstjóra félagsmáladeildar fyrir ráðningu Erlu Gunnlaugsdóttur í stöðu skólastjóra Grunnskóla Fjallabyggðar.
Lögð fram drög að rökstuðningi vegna ráðningu Erlu Gunnlaugsdóttur í stöðu skólastjóra Grunnskóla Fjallabyggðar.
Bæjarráð samþykkir drögin og felur deildarstjóra félagsmáladeildar úrvinnslu málsins.