Eftirfylgni með ráðstefnu um ferðamál

Markaðs- og menningarnefnd óskar eftir að Linda Lea Bogadóttir, markaðs- og menningarfulltrúi kalli eftir þeim erindum sem haldin voru á ráðstefnunni og geri þau aðgengileg á vef Fjallabyggðar.

Stefnt er að því að halda stöðufund með ferðaþjónustuaðilum í Fjallabyggð í fyrstu viku septembermánaðar 2017.

Á 33.fundi Markaðs- og menningarnefndar þann 28.júní s.l. var stefnt að því að halda stöðufund með ferðaþjónustuaðilum í Fjallabyggð í fyrstu viku septembermánaðar. Stefnt að því að þessi fundur verði haldinn miðvikudaginn 20. september. Lindu Leu Bogadóttur markaðs- og menningarfulltrúa falið að undirbúa og boða fundinn.

Á 33.fundi Markaðs- og menningarnefndar þann 28.júní s.l. var bókað að stefnt skyldi að stöðufundi með ferðaþjónustuaðilum í Fjallabyggð í september.

Ferðaþjónustuaðilar í Fjallabyggð voru boðnir á þennan stöðufund. Alls mættu 14 fulltrúar ferðaþjónustuaðila á fundinn.

Formaður nefndarinnar bauð gesti velkomna og kynnti tilgang fundarins sem hugsaður var sem stuðningur við þá aðila sem stunda ferðaþjónstu í sveitarfélaginu.

Umræða varð um hvað er í boði fyrir ferðamenn í Fjallabyggð og hvað má betur fara í aðstæðum fyrir ferðamenn og þjónustu við þá.

Unnið verður úr umræðupunktum og framkomnum athugasemdum og hugmyndum m.a. í tengslum við gerð fjárhagsáætlunar fyrir árið 2018.

Markaðs- og menningarfulltrúi fór yfir athugasemdir og áhersluatriði sem fram komu á stöðufundi markaðs- og menningarnefndar með fulltrúum ferðaþjónustuaðila frá 20.september s.l. Nefndin felur markaðs- og menningarfulltrúa að flokka enn frekar og kostnaðargreina þá þætti sem lúta að sveitarfélaginu.

Umræða varð um áherslupunkta frá stöðufundi með ferðaþjónustuaðilum 20. september s.l. Ákveðið að fresta afgreiðslu til næsta fundar.