Sjávardýragarður á Íslandi - Hafnargarðurinn í Ólafsfirði

Grunnskóli, vinnuskóli, unglingamiðstöðin Neon og umsjónarmenn þeirra ásamt listamönnum í Fjallabyggð sækja um styrk að upphæð kr. 560.000.-, en ætlunin er að afhjúpa listaverkið  "sjávardýragarður - unnið með skapalónum af dýrum " á sjómannadaginn.

Umsækjendur óska einnig eftir samþykki hafnarstjórnar um að leyfa málun á hafnargarði í Ólafsfirði og koma síðan umræddum skapalónum af sjávardýrum fyrir á hafnargarðinum.

Hafnarstjórn samþykkir fram komna hugmynd og heimilar framkvæmdina. Hafnarstjórn telur eðlilegt að málið fái einnig umfjöllun í markaðs- og menningarnefnd. Hafnarstjórn leggur til við bæjarráð að styrkur frá hafnarstjórn verði tvöhundruð þúsund og vísar afgreiðslu styrkumsóknarinnar að öðru leyti til bæjarráðs til afgreiðslu.

Lagt fram til umsagnar, erindi frá Önnu Maríu Guðlaugsdóttur, um hugmynd að samvinnuverkefni grunnskóla, vinnuskóla og listamanna í Ólafsfirði, þar sem hafnargarðurinn í Ólafsfirði yrði málaður og skapalón af sjávardýrum komið þar fyrir.
Ætlunin er að afhjúpa verkið á sjómannadaginn.

Markaðs- og menningarnefnd er jákvæð fyrir verkefninu og vísar styrkbeiðni til afgreiðslu í bæjarráði.

Lagt fram bréf frá Önnu Maríu Guðlaugsdóttur er varðar hugmyndir um "sjávardýragarð" í Ólafsfirði. Málið hefur verið rætt í hafnarstjórn og markaðs- og menningarnefnd.

Hafnarstjórn hefur samþykkt framlag að upphæð kr. 250.000.- og samþykkir bæjarráð kr. 310.000.- til viðbótar, til að hrinda hugmyndinni í framkvæmd.

Samþykkt, Egill sat hjá.