Minnisblað vegna skipulags útivistarsvæða í Hóls- og Skarðsdal

Lagt fram til kynningar minnisblað bæjarstjóra frá 14.09.2012.

Lagt fram bréf frá stjórn hestamannafélagsins Glæsi, dags. 28.06.2013.

Lagðir fram minnispóstar á milli bæjarstjóra og formanns hestamannafélagsins Glæsis. Einnig var farið yfir fund bæjarstjóra með fulltrúa félagsins í s.l. viku.

Bæjarráð samþykkir að fela tveimur bæjarfulltrúum, einum frá meirihluta, Ingvari Erlingssyni, og öðrum frá minnihluta, Sólrúnu Júlíusdóttur, umboð til að hitta tvo fulltrúa Hestamannafélagsins Glæsis með það í huga að hefja samráðsferli sem á að leiða til sátta í málinu.
Fundur er fyrirhugaður á miðvikudaginn 10.07.2013, kl. 18.30.

Bæjarráð vill árétta að bæjarfélagið hefur nú þegar gefið út framkvæmdarleyfi fyrir hluta af svæðinu sem ætlað er fyrir golfvöll í samræmi við deiliskipulag.

Það er því ekki ætlunin að afturkalla leyfið enda hefur Fjallabyggð boðað í bréfi 11. júní 2012 að bættur verði sá skaði sem hestamannafélagið Glæsir kann að verða fyrir vegna flutnings af hluta af svæðinu.

Lögð fram fundargerð fulltrúa Fjallabyggðar og Hestamannafélagsins Glæsis, vegna Ræktunarsamnings fyrir skeiðvelli og aðra aðstöðu.

Meirihluti bæjarráðs telur rétt að ljúka samningum á grundvelli þeirra forsenda sem fram koma í umræddri fundargerð.

Tillagan samþykkt með tveimur atkvæðum, en Egill Rögnvaldsson lagði fram neðanritaða bókun.

"Í ljósi aðstæðna er rétt að meta það beitarland sem verið er að nýta undir hrossabeit í dag, áður en nýju landi er úthlutað til frekari beitar til Hestamannafélagsins Glæsis.

Lagður fram samningur við hestamannafélagið Glæsi á Siglufirði. Eftir yfirferð og umræður samþykkir bæjarráð með tveimur atkvæðum samninginn og felur bæjarstjóra að undirrita fyrir hönd Fjallabyggðar.
Samningur verður lagður fram til kynningar á opnum stjórnarfundi hestamannafélagsins Glæsi síðar í kvöld.
Egill Rögnvaldsson greiddi atkvæði á móti samningnum og óskaði að bókað yrði neðanritað:

"Ég undirritaður get ekki samþykkt samninginn því eins og ég hef  bókað áður á bæjarráðsfundi vil ég að fram fari úttekt á því landssvæði sem hestamenn hafa til beitar í Siglufirði"

Lagt fram til kynningar undirritað samkomulag/samningur, af hálfu Fjallabyggðar við Hestamannafélagið Glæsir um bætur vegna innköllunar á 10,8 hektara svæðis sem Glæsir hafi samkvæmt samningi dagsettum 25. maí 2009.