Fréttir

Eins og við höfum áður greint frá var Jón Eggert Bragason framhaldsskólakennari ráðinn verkefnisstjóri væntanlegs framhaldsskóla við utanverðan Eyjafjörð. Jón Eggert kom og heimsótti ráðamenn á Dalvík og í Fjallabyggð í gær og skoðaði aðstæður. Að sögn þeirra sem við hann ræddu var þetta skemmtileg og gagnleg heimsókn og greinilegt að þarna væri maður á ferðinni sem hefði margar skemmtilegar hugmyndir varðandi starfsemi framhaldsskólans.

Laus er staða deildarstjóra í leikskólanum Leikhólum Ólafsfirði frá 11. ágúst 2008. Nánari upplýsingar gefa Svandís Júlíusdóttir, leikskólastjóri og Olga Gísladóttir, aðstoðarleikskólastjóri, í símum 4649240, 4649242, netfang leikholar@olf.is. Umsóknarfrestur er til 10. apríl.

Í dag, 1. apríl, hófust skólamáltíðir fyrir nemendur í 5.-10. bekk í Grunnskóla Siglufjarðar.  Það er Allinn sem sér um matseldina og þar matast börnin og þeir starfsmenn skólans sem þess óska.  Um 80 nemendur hafa nú skráð sig í fæði en lágmark er að kaupa 12 máltíðir í mánuði.  Á matseðlinum er fjölbreyttur hefðbundinn heimilismatur. 

25. fundur bæjarstjórnar Fjallabyggðar verður haldinn í Tjarnarborg í Ólafsfirði þriðjudaginn 1. apríl 2008 kl. 18.00.

Fjallabyggð auglýsir eftir verksala til að sjá um undirbúning og framkvæmdastjórn á hátíðarhöldum vegna Síldarævintýrisins, þ.e. hátíðarhöldum um verslunarmannahelgi 2008.

Atvinnurekendur, einyrkjar og frumkvöðlar athugið! SSNV Atvinnuþróun býður til fundar með hinum landsþekkta fyrirlesara Guðjóni Bergmann, mánudaginn 31. mars n.k.