Fréttir

Alls bárust fjórar umsóknir um áður auglýst starf leikskólastjóra leikskólans Leikskála. Fræðslunefnd mun fjalla um umóknirnar í vikunni.

Alls bárust fjórar umsóknir um áður auglýst starf umsjónarmanns skíðasvæðis í Skarðsdal. Frístundanefnd mun fjalla um umóknirnar í vikunni.

Vegna slæmrar veðurspár verður ekki kveikt á jólatrénu á Siglufirði sunnudaginn 2. desember, eins og fyrirhugað var. Þess í stað verður kveikt á jólatrénu laugardaginn 8. desember kl. 17.00.

Vegna bilunar í götulýsingu er mjög dimmt við Aðalgötu og Hrannarbyggð á flæðunum í Ólafsfirði. Verið er að leita að biluninni og er vonast til að hægt verði að koma ljósi á fyrir helgi í áföngum. Vegfarendur eru hvattir til að fara með gát á þessu svæði og gangandi vegfarendur eru hvattir til að nota endurskinsmerki til að auka öryggi sitt.

Vinnumálastofnun vekur athygli á að félagsmálaráðherra hefur auglýst aukaúthlutun á Styrkjum til atvinnumála kvenna árið 2007. Styrkirnir eru ætlaðir konum sem eru með góða viðskiptahugmynd og stefna á að koma á fót sjálfstæðum atvinnurekstri. Góðar viðskiptahugmyndir af landsbyggðinni hafa forgang við úthlutun. Umsóknarfrestur er til 10. des. 

Í dag, miðvikudaginn 21. nóvember er forvarnardagur í flestum grunnskólum landsins. Forvarnardagurinn er haldin að frumkvæði forseta Íslands í samvinnu við Samband íslenskra sveitarfélaga, Íþrótta- og Ólympíusamband Íslands, Ungmennafélag Íslands, Bandalag íslenskra skáta, Reykjavíkurborg, Háskóla Íslands og Háskólann í Reykjavík. Verkefnið er stutt af lyfjafyrirtækinu Actavis.

Þá er komið að árlegri Aðventuhátíð í Fjallabyggð. Fjölmargir einstaklingar, félagasamtök og fyrirtæki hafa gert dagskrána undanfarin ár sem fjölbreyttasta og glæsilegasta.

Morgunvakt Rásar 1 verður send út frá skrifstofum Fjallabyggðar í Ólafsfirði á morgun, þriðjudaginn 20. nóvember.

Stýrihópur sem menntamálaráðherra skipaði á þessu ári til undirbúnings stofnunar framhaldsskóla við utanverðan Eyjafjörð stendur nú fyrir könnun meðal almennings, fyrirtækja og grunnskólanemenda í 9. og 10. bekk í Dalvíkurbyggð og Fjallabyggð. Í könnuninni verður leitast við að fá fram upplýsingar um viðhorf, áhuga og þarfir íbúa og fyrirtækja á svæðinu fyrir framhaldsskólamenntun.