Fréttir

Grasrótarverðlaun KSÍ og UEFA voru veitt á 65. ársþingi KSÍ og voru þrjú félög sem fengu þau afhent.  Veitt eru verðlaun í þremur flokkum og eru þessir flokkar ákveðnir af UEFA. Einn þessara flokka er Grasrótarviðburður stúlkna, en í þessum flokki fék KS verðlaun fyrir Pæjumót TM. Félaginu voru afhentir Boltar og viðurkenning frá UEFA. Þetta er mikil viðurkenning fyrir mótið og það starf sem félagið er að gera.

Nýr vetraropnunartími tók gildi 12. febrúar sl. í íþróttamiðstöðvum Fjallabyggðar og gilda til 1. júní, en þá tekur sumaropnunartími við. Opnanir verða því eftirfarandi:

Menningarnefnd hefur valið Örlyg Kristfinnsson myndlistarmann, hönnuð og rithöfund bæjarlistamann Fjallabyggðar 2011. Í tilefni þess mun sérstök viðhöfn fara fram 25. febrúar kl. 17.00 í Ráðhúsinu þar sem bæjarlistamaður verður heiðraður.

Ragnheiður Jóna Ingimarsdóttir menningarfulltrúi Eyþings verður með viðtalstíma í Fjallabyggð sem hér segir: Á Siglufirði 25. febrúar kl. 14.00-15.30 í Ráðhúsinu, salnum 2. hæð. Í Ólafsfirði 8. mars kl. 13.00-14.30 á bæjarstjórnarskrifstofu, 2. hæð. Bæjarbúar sem stefna á menningarviðburði eða verkefni eru hvattir til að mæta og ræða við Ragnheiði vegna styrkumsókna til Menningarráðs Eyþings.

Leikskólarnir Leikhólar og Leikskálar verða með opið hús mánudaginn 7.  febrúar í tilefni af degi leikskólans sem ber nú upp á sunnudegi  6. febrúar.  Leikskólarnir eru opnir frá kl 8:00 til kl 16:00.

Föstudaginn 4. febrúar mun lið Fjallabyggðar keppa í 2. umferð Útsvars við lið Reykjanesbæjar. María Bjarney Leifsdóttir, Ámundi Gunnarsson og Halldór Þormar Halldórsson keppa fyrir hönd Fjallabyggðar. Sendum við þeim baráttukveðjur. Bein útsending hefst 20.10 á Rúv.

Miðvikudagskvöldið 2. febrúar kl. 20:00 verður ný heimildarmynd um hljómsveitina ROÐLAUST OG BEINLAUST sýnd í félagsheimilinu Tjarnarborg í Ólafsfirði. Af því tilefni er öllum íbúum Fjallabyggðar boðið á sýninguna!

Menningarnefnd Fjallabyggðar auglýsir eftir umsóknum og /eða rökstuddum ábendingum um bæjarlistamann Fjallabyggðar 2011