Fréttir

Unglingameistaramót Íslands 2010 á skíðum var sett á í kvöld fimmtudag 18. mars í Siglufjarðarkirkju. Mótshaldari er Skíðaráð Reykjavíkur. Mótið var flutt til Siglufjarðar með stuttum fyrirvara vegna snjóleysis í Reykjavík. Skráðir eru 135 keppendur í alpagreinum og skíðagöngu. Dagskrá mótsins má finna hér.

Samkvæmt „Samþykkt um meðhöndlun úrgangs í Fjallabyggð“ ber fyrirtækjum að sjá um og bera kostnað af flutning og förgun á þeim úrgangi sem fellur til við starfsemina.

Á fundi bæjaráðs í morgun voru teknar ákvarðanir varðandi ráðningar nýrra skólastjóra í grunn-, leik- og tónskóla Fjallabyggðar.

Menningarnefnd Fjallabyggðar auglýsir eftir umsóknum og /eða rökstuddum ábendingum um bæjarlistamann Fjallabyggðar 2010 Markmiðið með því að tilnefna bæjarlistamann ár hvert er að hvetja og auka áhuga á listsköpun og bæta menningarlíf íbúa. Um leið er það viðurkenning bæjaryfirvalda að sköpun og list skipti samfélagið máli. Loks er slík nafnbót auglýsing á listamanninum og sveitarfélaginu. Styrkur til bæjarlistamanns 2010 nemur kr. 250.000.

Á föstudaginn 4. mars verður nýi slökkvibíllinn til sýnis á Torginu á Siglufirði milli kl. 13:00-14:00

Menntamálaráðherra hefur skipað Láru Stefánsdóttur framkvæmdastjóra í starf skólameistara við Framhaldsskólann við utanverðan Eyjafjörð, samkvæmt frétt á  ruv.is

Sundlaugin í Ólafsfirði verður lokuð í 3-4 vikur fljótlega eftir páska vegna framkvæmda. Nánari tímasetning verður auglýst þegar nær dregur.