Fréttir

Svæðisskipulagsnefnd Eyjafjarðar vinnur nú að breytingu á Svæðisskipulagi Eyjafjarðar 2012-2024, sem staðfest var 21.1.2014. Breytingin mun taka til legu flutningslína raforku en ekki voru forsendur til þess að ganga frá legu þeirra þegar svæðisskipulagið var unnið. Í samræmi við 23. gr. skipulagslaga nr. 123/2010 hefur verið tekin saman skipulags- og matslýsing þar sem gerð er grein fyrir áherslum, helstu forsendum, fyrirliggjandi stefnu, skipulagskostum og hvernig samráði og kynningu verður háttað. Lýsing er sett fram og kynnt í upphafi verks til þess að almenningur, umsagnaraðilar og hagsmunaaðilar fái upplýsingar um fyrirhugaða skipulagsvinnu og geti sett fram sjónarmið, athugasemdir og ábendingar sem að gagni gætu komið við gerð skipulagsins.

Í vetur hafa gildi og leiðarljós fræðslustefnunnar endurspeglast með markvissum hætti í starfi Leikskóla Fjallabyggðar. Leiðarljós fræðslustefnunnar er Kraftur – Sköpun - Lífsgleði

Unglingar í félagsmiðstöðinni Neon hafa undanfarin ár safnað fyrir ferð á Samfestinginn í Laugardalshöll með óskum um styrki bæði frá fyrirtækjum og einstaklingum. Í ár er engin breyting þar á en þó ætla unglingarnir að bjóða upp á þá nýbreytni að hafa góðgerðarviku.

Í september 2017 var framkvæmt svokallað ytra mat á Leikskóla Fjallabyggðar. Fjallbyggð hefur nú fengið matsskýrslu senda frá Menntamálastofnun. Í skýrslunni er gerð grein fyrir niðurstöðum úr ytra mati á Leikskóla Fjallabyggðar. Í matsskýrslu er fjallað um ytra mat á leikskólanum. Matið er gert á grundvelli 17. gr. laga um leikskóla nr. 90/2008.

Miðvikudaginn 21. mars kl. 17 verður vorhátíð 1.-7. bekkjar haldin í Tjarnarborg í Ólafsfirði

Heilbrigðisstofnun Norðurlands verður með opinn fund um skipulag sjúkraflutninga í Fjallabyggð miðvikudaginn 7. mars kl. 19.30 í menningarhúsinu Tjarnarborg á Ólafsfirði. Allir velkomnir, Framkvæmdastjórn HSN

Nú er þriðja áfangaskýrslan um Arctic Coast Way - Norðurstrandarleið komin út. Í skýrslunni er fjallað um þróun á upplifunum, en sú vinna er unnin í samstarfi við breska ráðgjafafyrirtækið Blue Sail.

Álagningu fasteignagjalda 2018 hefur nú verið lokið. Álagningarseðlar fasteignagjalda fyrir árið 2018 hafa verið sendir út, einnig eru þeir aðgengilegir í gegnum mín Fjallabyggð, íbúagáttina á heimasíðu Fjallabyggðar.

Um komandi helgi fer fram Sigló Hótel - Benecta mót BF í blaki. Mótið hefur verið að stækka undanfarin ár og árið í ár er engin undantekning. Á mótinu í ár munu 59 lið taka (42 kvennalið og 17 karlalið) eða rúmlega 420 keppendur og spilaðir verða 145 leikir. Þessi fjöldi liða gerir mótið að stærsta helgarmóti landsins á keppnistímabilinu.

Í tengslum við heilsueflandi Fjallabyggð verður boðið uppá fría kynningu á spinning í Íþróttamiðstöðinni á Siglufirði í dag þann 19. febrúar kl. 17:00-18:00 og í Ólafsfirði á morgun 20. febrúar milli 17:00-18:00. Einnig verður boðið upp á fría tíma, leiðsögn og kennslu á tækin í líkamsræktarsölum Íþróttamiðstöðva Fjallabyggðar samkvæmt meðfylgjandi tímaröðun og leiðbeinendum. Frítt verður í líkamsræktirnar þá daga sem boðið er upp á leiðsögn og kennslu á tækin eða: Ólafsfjörður: 22., 23. og 24. febrúar Siglufjörður: 22., 23. og 25. febrúar