Fréttir

Tilkynning frá Fjallabyggð vegna rafmagnsleysis. Rafmagnstruflun er í gangi í landskerfinu á Dalvík, Ólafsfirði og Siglufirði í dag og unnið við að byggja upp kerfið. Enn er óljóst hvenær rafmagn kemst á aftur í Fjallabyggð. Heitt vatn er komið á öll hús í Fjallabyggð en bendum við íbúum á að fara sparleg með heita vatnið eins og kostur er.

179. fundur bæjarstjórnar Fjallabyggðar verður haldinn í Ráðhúsi Fjallabyggðar, Gránugötu 24, Siglufirði, 13. desember 2019 kl. 17.00

Jólatónleikar sem áttu að vera í dag í Siglufjarðarkirkju hefur verið frestað vegna veðurs.

Í ljósi spár um versnandi veður og aukna ofankomu hefur verið tekin ákvörðun um að skólahald leikskóla , grunnskóla og tónlistarskóla í Fjallabyggð falli niður á morgun miðvikudaginn 11. desember. Þá eru foreldrar hvattir til að ná í börn sín við fyrsta tækifæri í leikskólann í dag.

Í ljósi mjög slæmrar veðurspár næstu tvo daga eru íbúar hvattir til að huga að lausum munum eins og sorptunnum. Einnig vill tæknideild hvetja íbúa til að vera ekki á ferðinni meira en nauðsyn krefur. Ef spár um ofankomu ganga eftir má búast við ófærð í báðum bæjarkjörnum.

Markaðs- og menningarnefnd Fjallabyggðar hefur samþykkt á fundi sínum fimmtudaginn 5. desember 2019 að útnefna Elías Þorvaldsson sem Bæjarlistamann Fjallabyggðar 2020. Elías Þorvaldsson er Siglfirðingur fæddur 24. maí 1948, sonur hjónanna Þorvaldar Þorleifssonar og Líneyjar Elíasdóttur, yngstur þriggja systkina. Hann stundaði nám við Barnaskólann og Gagnfræðaskóla Siglufjarðar og einnig Iðnskólann á Siglufirði.

Á morgun fimmtudaginn 5. desember opnar Aðalheiður S. Eysteinsdóttir sýninguna Seiðandi dans í Kompunni, Alþýðuhúsinu á Siglufirði. Opnunin hefst klukkan 17.00 og er opið til kl. 22.00 það kvöld. Á sama tíma er opið í anddyri Alþýðuhússins þar sem Aðalheiður er með ýmis smáverk til sölu sem ratað gætu í jólapakka.

Hafin er vinna við aðgerðabundna stefnumótun fyrir ferðaþjónustu á Íslandi til ársins 2025. Verkefnið er sameiginlegt verkefni Atvinnuvega og nýsköpunarráðuneytisins, Sambands Sveitarfélaga, Samtaka ferðaþjónustunnar og Stjórnstöðvar ferðamála.

Heilsueflandi Fjallabyggð bauð íbúum á endurgjaldslaust stutt nuddboltanámskeið í gær í íþróttasal grunnskólans við Norðurgötu. Vel var mætt á námskeiðið og ekki annað að heyra en að þátttakendur væru ánægðir með það. Annað námskeið er fyrirhugað í Ólafsfirði laugardaginn 7. desember kl. 10:00 í íþróttahúsinu. Þátttakendur eru beðnir um að skrá sig á námskeiðið. Gott væri að skráning lægi fyrir um hádegi á föstudag 6. desember.

Við fögnum fimm nýjum bókverkum í Pastel ritröð. Höfundar að þessu sinni eru Áki Sebastian Frostason hljóðlistamaður, Brynhildur Þórarinsdóttir rithöfundur, Haraldur Jónsson myndlistamaður, Jónína Björg Helgadóttir myndlistamaður og Þórður Sævar Jónsson rithöfundur.