Skipulags- og umhverfisnefnd Fjallabyggðar

166. fundur 30. apríl 2014 kl. 16:30 - 16:30 á bæjarskrifstofum Ólafsvegi 4, Ólafsfirði
Nefndarmenn
  • Helga Jónsdóttir formaður
  • Sigurður Hlöðversson aðalmaður
  • Jón Árni Konráðsson aðalmaður
  • Hilmar Þór Elefsen aðalmaður
  • Ásgrímur Pálmason aðalmaður
  • Ármann Viðar Sigurðsson deildarstjóri tæknideildar
  • Arnar Freyr Þrastarson tæknifulltrúi
Fundargerð ritaði: Arnar Freyr Þrastarson tæknifulltrúi

1.Breytingar á aðgengi við búð Samkaups Úrvals á Siglufirði

Málsnúmer 1404006Vakta málsnúmer

Undir þessum lið hafði verslunarstjóri Samkaups Úrvals á Siglufirði óskað eftir því að mæta á fund nefndarinnar og ræða hugmyndir um breytt og bætt aðgengi að versluninni.

 

Nefndin frestar erindinu vegna afboðunar verslunarstjóra.

2.Bókasafn Fjallabyggðar, Ólafsfirði - endurbætur

Málsnúmer 1401133Vakta málsnúmer

Fjallabyggð sækir um byggingarleyfi fyrir Ólafsveg 4 samkvæmt meðfylgjandi teikningum en áætlaðar breytingar stuðla að því að hægt verði að nýta húsnæðið undir bókasafn.

 

Búið er að grenndarkynna framkvæmdina nálægum lóðarhöfum og fá samþykki þeirra fyrir breytingunum.

 

Erindi samþykkt.

3.Umsókn um byggingarleyfi

Málsnúmer 1404010Vakta málsnúmer

Magnús H. Ólafsson sækir um, fyrir hönd Kristlaugar Þ. Svavarsdóttur, byggingarleyfi fyrir einnar hæðar frístundahúsi í landi Skeggjabrekku í Ólafsfirði.

 

Erindi samþykkt með fyrirvara um leyfi Fiskistofu þar sem fyrirhuguð bygging er innan við 100 metra frá Ólafsfjarðarvatni.

4.Umsókn um leyfi til breytinga á Hafnargötu 16

Málsnúmer 1404053Vakta málsnúmer

Kristján E. Hjartarson sækir um, fyrir hönd Hallarinnar veitingahúss ehf., breytta notkun á eigninni Hafnargata 16. Sótt er um að húsið verði allt einn matshluti auk þess sem sótt er um byggingarleyfi fyrir útlitsbreytingum og leyfi til innréttingar íbúða á efri hæð hússins samkvæmt meðfylgjandi teikningum.

 

Erindi samþykkt.

5.Umsókn um leyfi til að klæða Ólafsveg 5

Málsnúmer 1403061Vakta málsnúmer

Hörður Ólafsson sækir um, fyrir hönd eiganda Ólafsvegar 5, Jóns Ásgeirssonar, leyfi til að klæða eignina að utan með hvítri Steni klæðningu.

 

Erindi samþykkt.

6.Ósk um endurnýjun á áður fengnu leyfi

Málsnúmer 1404012Vakta málsnúmer

Jón Jónsson, Bylgjubyggð 10 óskar eftir endurnýjun á áður fengnu leyfi til að breikka bílaplan og lækka gangstétt til samræmis við núverandi bílaplan við Bylgjubyggð 10.

 

Erindi samþykkt.

7.Umsókn um lóð, Skógarstígur 10

Málsnúmer 1404028Vakta málsnúmer

Jóhann F. Sigurðsson sækir um lóðina Skógarstígur 10 á Saurbæjarás Siglufirði.

 

Jafnframt lagður fram lóðarleigusamningur fyrir umrædda eign.

 

Nefndin samþykkir úthlutun á lóð og fyrirliggjandi lóðarleigusamning.

8.Umsókn um stöðuleyfi fyrir gám í Fjallabyggð

Málsnúmer 1403077Vakta málsnúmer

Sigurjón Magnússon fyrir hönd Óslands ehf. sækir um endurnýjun stöðuleyfis 40 feta gáms sem stendur við Námuveg 6 í Ólafsfirði.

 

Nefndin samþykkir stöðuleyfi í eitt ár og leggur til við tæknideild að hún endurskoði stöðuleyfisveitingar gáma með það að markmiði að gámar séu staðsettir á skipulögðum gámasvæðum í framtíðinni.

9.Umsókn um stöðuleyfi fyrir gám í Fjallabyggð

Málsnúmer 1403079Vakta málsnúmer

Sigurjón Magnússon sækir um stöðuleyfi fyrir 20 feta gám sem staðsettur er við Brimnes í Ólafsfirði.

 

Nefndin samþykkir stöðuleyfi í eitt ár og leggur til við tæknideild að hún endurskoði stöðuleyfisveitingar gáma með það að markmiði að gámar séu staðsettir á skipulögðum gámasvæðum í framtíðinni.

10.Breytingar á lóðarblöðum - rif á fasteignum Síldarvinnslunnar

Málsnúmer 1401065Vakta málsnúmer

Lögð fram tvö bréf frá Róberti Guðfinnssyni, fyrir hönd Skollaskálar ehf., annars vegar varðandi frágang lóða á hafnarsvæðinu og hins vegar varðandi síldarþró SR-46 á Siglufirði.

 

Óskar hann eftir fundi með bæjaryfirvöldum til að ræða samráð svo heildarmynd náist á hafnarsvæðinu, þ.e. í kringum Ránargötu 1b, Ránargötu 3b og aðliggjandi lóðir.

 

Nefndin fagnar því að farið verði í fegrun umhverfis á umræddum lóðum og felur tæknideild að hafa samráð við Skollaskál ehf. varðandi frágang á aðliggjandi lóðum.

11.Snjómokstursreglur í Fjallabyggð

Málsnúmer 1403055Vakta málsnúmer

Lögð fram til kynningar uppfærð kort með snjómokstursreglum Fjallabyggðar.

12.Ársfundur Umhverfisstofnunar 2014

Málsnúmer 1404029Vakta málsnúmer

Ársfundur Umhverfisstofnunar verður haldinn þann 9. maí næstkomandi.

 

Lagt fram til kynningar.

Fundi slitið - kl. 16:30.