Hafnarstjórn Fjallabyggðar

Lögð fram tilboð í eftirlitsmyndavélar sem eiga að stuðla að betri umgengni um hafnarsvæðið.
Tvö tilboð bárust.
Frá Icetronica, þar er um að ræða tveggja ára ábyrgð á Zavio myndavélum og myndþjóni en á harða diskinum nær ábyrgðin til þriggja ára.

Búnaður fyrir Siglufjörð
Valkostur 1, kostnaður áætlaður 1.603.193.-
Valkostur 2, kostnaður áætlaður 2.054.065.-

Frá Securitas, þar er um að ræða samskonar ábyrgð á Mobitic myndavélum og Hik-vision myndavélum með Avigilion upptökubúnaði.

Búnaður fyrir Siglufjörð
Valkostur 1, kostnaður áætlaður 1.237.853.-
Valkostur 2, kostnaður áætlaður 2.010.187.-

Hafnarstjórn telur rétt að taka lægra tilboðinu enda sé um að ræða sambærilegan búnað.
Hafnarstjóra er falið að ganga frá samningi við söluaðila.
Hafnarstjórn felur hafnarstjóra að óska eftir tilboði í búnaði fyrir Ólafsfjörð.

Nokkur umræða var um úttekt á eignum og þörf á viðhaldsverkefnum á hafnarsvæðinu.
Farið var yfir ábendingar sem komu fram á fundi 04.07.2014.
Fram komu einnig ábendingar um neðantalin verkefni og er lagt til að þeim málum verði vísað til gerðar áætlunar fyrir árið 2015.
Hafnarstjórn leggur þunga áherslu á að hafnarstjórn forgangsraði verkefnum næsta árs.
1. Fjölga tengingum fyrir afgreiðslu á rafmagni á Hafnarbryggju.
2. Fjölga tengingum fyrir afgreiðslu á vatni fyrir Hafnarbryggju.
Hafnarstjórn leggur áherslu á að kostnaður við þessa framkvæmd verði lagður fram á næsta fundi.
3. Lýsing á hafnarsvæðinu er verið að bæta og verður verkinu lokið fyrir mánaðarmót.

Lagt fram til kynningar rekstraryfirlit fyrir janúar til og með júlí 2014.
Rekstur hafnarsjóðs er í samræmi við áætlun ársins og tekjurnar hærri en áætlun gerir ráð fyrir. Ber að þakka þann árangur.

Lagt fram til kynningar frumvarp um breytingar á hafnarlögum nr. 61/2003 með síðari breytingum.
Bendir hafnarstjóri sérstaklega á þær greinar er snúa að framkvæmdum og kostnaðarskiptingu.

Hafnarstjórn fór yfir athugasemdir við lagafrumvarpið og fagnar fram komnum breytingum og skorar á alþingi að samþykkja ný hafnarlög fyrir áramót.

Lagður fram verksamningur um endurbyggingu Norðurgarðs á Ólafsfirði, sem siglingasvið Vegagerðarinnar hefur boðið út.
Áætlaður kostnaður er um 8 m.kr., en tilboðsgjafi er Vélþjónustan Messuholt ehf.
Verkinun á að vera lokið 31.október 2014.