Félagsmálanefnd Fjallabyggðar

Hlusta

103. fundur 19. janúar 2017 kl. 16:30 - 17:30 í Ráðhúsi Fjallabyggðar, Gránugötu 24, Siglufirði

Nefndarmenn

Ríkharður Hólm Sigurðsson aðalmaður, S lista
Halldór Þormar Halldórsson aðalmaður, D lista
Ólafur Jónsson aðalmaður, B lista
Eva Karlotta Einarsdóttir varamaður, S lista
Gerður Ellertsdóttir varamaður, D lista

Starfsmenn

Hjörtur Hjartarson deildarstjóri félagsmáladeildar

Fundargerð ritaði: Hjörtur Hjartarson félagsmálastjóri

1.Rekstraryfirlit nóvember 2016

Málsnúmer 1612046 Vakta málsnúmer

Lagt fram

Lagt fram rekstraryfirlit félagsmáladeildar fyrir tímabilið janúar til nóvember 2016. Rauntölur; 78.609.820 kr. Áætlun; 88.693.758 kr. Rekstrarniðurstaða félagsþjónustu er 10.083.938 kr. betri en tímabilsáætlun gerir ráð fyrir.

2.Reglur Fjallabyggðar um sérstakan húsnæðisstuðning

Málsnúmer 1612023 Vakta málsnúmer

Samþykkt

Lögð fram tillaga um sérstakan húsnæðisstuðning í samræmi við lög nr. 75/2016 um húsnæðisbætur. Gildistaka laganna er 1. janúar 2017 og leysa þau af hólmi eldri lög um húsaleigubætur.
Sérstökum húsnæðisstuðningi sveitarfélaga er ætlað að lækka greiðslubyrgði vegna húsnæðiskostnaðar hjá þeim sem ekki eru á annan hátt færir um að sjá sér fyrir húsnæði eða eru með íþyngjandi húsnæðiskostnað sökum:
a) lágra tekna/lítilla eigna,
b) þungrar framfærslubyrði og
c) félagslegra aðstæðna.
Félagsmálanefnd samþykkir tillöguna fyrir sitt leyti.

3.Almenn framlög vegna þjónustu við fatlað fólk 2017

Málsnúmer 1701036 Vakta málsnúmer

Lagt fram

Lögð fram til kynningar tillaga ráðgjafarnefndar Jöfnunarsjóðs sveitarfélaga um áætlaða úthlutun almennra framlaga vegna þjónustu við fatlað fólk á árinu 2017.

4.Dagdvöl aldraðra

Málsnúmer 1609092 Vakta málsnúmer

Lagt fram

Lagt fram svar heilbrigðisráðherra við beiðni Fjallabyggðar um dagdvalarrými aldraðra í Skálarhlíð á Siglufirði, úr sjö leyfum í tólf. Beiðninni var hafnað. Deildarstjóri upplýsti að á næstunni verði lögð fram úttektarskýrsla um dagdvöl aldraðra í Fjallabyggð.