Félagsmálanefnd Fjallabyggðar

Borist hafa erindi frá Sigrúnu Konráðsdóttur, snyrtifræðingi, Hönnu Sigríði Ásgeirsdóttur, snyrtifræðingi og Auði Ósk Ingimarsdóttur, fótaaðgerðafræðingi, þar sem viðkomandi óska eftir því að fá að nýta aðstöðu í Skálarhlíð fyrir starfsemi sína.  Félagsmálanefnd telur æskilegt að sú aðstaða sem er til staðar í Skálarhlíð fyrir snyrtingu og hárgreiðslu, verði betur nýtt en verið hefur.  Samþykkir nefndin að stefnt verði að því að í Skálarhlíð verði boðið upp á þjónustu hárgreiðslu, fóta- og snyrtifræðinga, fyrir 60 ára og eldri og öryrkja, ákveðinn tíma í viku hverri með reglubundum hætti.  Nefndin telur eðlilegt að byrjað verði  á því að leita til þeirra aðila sem eru með lögheimili og rekstur í sveitarfélaginu og hafa löggilt starfsréttindi í sínu fagi.  Ef þeir fagaðilar sem starfandi eru í sveitarfélaginu sjá sér ekki fært um veita umbeðna þjónustu, þá verði hægt að leita út fyrir sveitarfélagið.  Starfsemin fari fram á virkum dögum, í samráði við forstöðumann Skálarhlíðar.  Gjaldtaka verður ekki tekin fyrir aðstöðuna fyrst um sinn en málið tekið upp við gerð fjárhagsáætlunar næsta árs.  Ætlast er til þess að gjaldtöku þjónustuaðila verði stillt í hóf.

Afgreiðsla nefndarinnar færð í trúnarðarmálabók.

Umsókn synjað.

Umsókn samþykkt.

Landsfundur jafnréttisnefnda var haldinn á Akureyri 10.-11. september s.l.  Þátttakendur frá félagsmálanefnd voru Sólrún Júlíusdóttir, Margrét Ósk Harðardóttir og Helga Helgadóttir.  Lagðar fram til kynningar ályktanir fundarins, en þær má finna á vefsíðunni jafnretti.is.

Formaður nefndarinnar, Sólrún Júlíusdóttir gerði grein fyrir málþingi sem hún sótti um málefni fatlaðs fólks á tímamótum.  Málþingið fór fram í Reykjavík þann 22. september s.l.  Hægt er að nálgast glærur af málþinginu á vef Stofnunar stjórnsýslufræða og stjórnmála, stjornsyslustofnun.is.

Lagt fram til kynningar.

Lagt fram til kynningar.

Lagt fram til kynningar.

Vettvangsheimsókn á Skálarhlíð frestað.