Bæjarstjórn Fjallabyggðar

Rekstrarniðurstaða mun jákvæðari en áætlun gerði ráð fyrir og litlar skuldir

Samkvæmt framlögðum ársreikningi er rekstrarniðurstaða samstæðu A- og B- hluta jákvæð um ríflega 240 milljónir króna að teknu tilliti til afskrifta og fjármagnsliða, sem er talsvert betra en fjárhagsáætlun ársins gerði ráð fyrir en áætlun með viðaukum gerði ráð fyrir jákvæðri niðurstöðu að upphæð um 45 milljónir króna. Rekstrarniðurstaða samstæðunnar er jákvæð um 484 milljónir króna fyrir afskriftir og fjármagnsliði.

Vaxtaberandi skuldir sveitarfélagsins við lánastofnanir eru kr. 120.000.000 í A hluta sem er með því lægsta sem gerist á landinu. Það þýðir um það bil 60.000 krónur á hvern íbúa og hefur skuldastaða ekki breyst frá fyrra ári.

Rekstrarniðurstaða A-hluta er jákvæð um kr. 248.598.000 en var um 100 milljónum lægri árið 2024 eða kr. 148.674.000 milljónir. Fjárfesting ársins nam 530 milljónum. Handbært fé frá rekstri samstæðu A- og B- hluta var 574 milljónir og hækkar á milli ára um 90 milljónir. Veltufé frá rekstri samstæðu A- og B-hluta , þ.e. það fjármagn sem m.a. hægt er að nýta til frekari fjárfestinga var 771 milljón árið 2025 en var um 348 milljónir árið 2024 og ríflega tvöfaldast því á milli áranna 2024 og 2025.

Eigið fé sveitarfélagsins í árslok nam kr. 4.918.671 samkvæmt efnahagsreikningi, en eigið fé A hluta um kr. 4.245.511.

Rekstur sveitarfélagsins var nokkuð stöðugur á árinu. Gjöld voru umtalsvert hærri heldur en áætlun gerði ráð fyrir og skýrist það að mestu leyti af auknum útgjöldum vegna úrræða í félagsþjónustu sem greiddar eru af ríkinu í gegnum ráðuneyti og jöfnunarsjóð og skýrir þá jafnframt þær auknu tekjur sem fram koma í ársreikningi. Hafnarsjóður skilar jafnframt betri niðurstöðu en áætlanir gerðu ráð fyrir og skýrist það af auknum tekjum vegna aflagjalds sem og afkomu vegna komu skemmtiferðaskipa á árinu.

Að öðru leyti var rekstur málaflokka almennt í samræmi við fjárhagsáætlun og launakostnaður í heild var umtalsvert lægri en áætlanir gerðu ráð fyrir þrátt fyrir verulegar launahækkanir einstakra kjarasamninga.

Af einstökum málaflokkum eru félagsþjónusta og fræðslumál nokkuð yfir fjárhagsáætlun sem skýrist annars vegar af sérstökum aðstæðum félagsþjónustunnar sem ríkið greiðir svo fyrir og hins vegar af launahækkunum umfram áætlun í fræðslumálum.

Áfallnar lífeyrisskuldbindingar eru um 100 milljónum króna hærri heldur en gert var ráð fyrir eða um 290 milljónir og skýrist það fyrst og fremst af miklum launahækkunum en skuldbindingarnar, sem ráðast að fullu leyti af utanaðkomandi aðstæðum, reiknast til rekstrargjalda á árinu. Þrátt fyrir þessa hækkun um ríflega 200 milljónir á lífeyrisskuldbindingum frá árinu 2024 er rekstrarniðurstaða jákvæð um 240 milljónir.

Jákvæð niðurstaða ársreiknings fyrir árið 2025 styrkir enn frekar fjárhagslega stöðu Fjallabyggðar sem gefur aukna möguleika á nauðsynlegum fjárfestingum til lengri tíma litið.

Bæjarstjórn samþykkir framlagðan ársreikning 2025 með 7 atkvæðum og vísar honum til seinni umræðu í bæjarstjórn.

Til máls tók Helgi Jóhannsson.

Fundargerðin í heild sinni samþykkt með 7 atkvæðum.

Til máls tók Helgi Jóhannsson.

Helgi Jóhannsson vék af fundi við afgreiðslu liðar 2 í fundargerðinni.

Fundargerðin í heild sinni að undanskildum lið 2 samþykkt með 7 atkvæðum.

Liður 2 samþykktur með 6 atkvæðum.

Við lið 5 í fundargerðinni þakkar bæjarstjórn Ásu Björk Stefánsdóttur, skólastjóra, fyrir hennar störf á undanförnum árum og óskar henni velfarnaðar í komandi verkefnum.

Fundargerðin í heild sinni að undanskildum lið 3 samþykkt með 7 atkvæðum.

Fundargerðin í heild sinni samþykkt með 7 atkvæðum.

Arnar Þór Stefánsson víkur af fundi við afgreiðslu á lið 3 í fundargerðinni.

Liðir 1 og 2 í fundargerðinni samþykktir með 7 atkvæðum.
Liður 3 í fundargerðinni samþykktur með 6 atkvæðum.

Fundargerðin í heild sinni að undanskildum liðum 1, 2 og 3, samþykkt með 7 atkvæðum.

Til máls tók Helgi Jóhannsson.

Fundargerðin í heild sinni samþykkt með 7 atkvæðum

Fundargerðin í heild sinni samþykkt með 7 atkvæðum.

Fundargerðin í heild sinni samþykkt með 7 atkvæðum

Fundargerðin í heild sinni samþykkt með 7 atkvæðum

Bæjarstjórn samþykkir samhljóða með 7 atkvæðum að leggja til að Þórir Hákonarson, bæjarstjóri Fjallabyggðar, verði einn að þremur aðalfulltrúum í ráðinu.

Bæjarstjórn Fjallabyggðar samþykkir samhljóða eftirfarandi ályktun vegna samgöngumála:

"Í ljós þeirra aðstæðna sem skapast hafa á utanverðum Tröllaskaga síðustu daga og vikur beinir bæjarstjórn Fjallabyggðar því til innviðaráðherra og þingmanna allra að tryggja framgang fyrirliggjandi samgönguáætlunar hvað varðar jarðgangagerð frá Siglufirði í Fljót í Skagafirði, svokölluð Fljótagöng.

Íbúar Fjallabyggðar hafa búið við það undanfarna daga og vikur að fjölmörg snjóflóð hafa fallið við samgöngumannvirki, annað hvort við Ólafsfjarðarmúla eða á Siglufjarðarveg sem hefur þýtt tíðar lokanir á þessum leiðum eða óvissustig vegna snjóflóðahættu hefur verið gefið út af Veðurstofu. Ofan á það bætist að beint var til íbúa Siglufjarðar um tíma að vera ekki á ferli á hafnarsvæðinu þar sem líkur væru á snjóflóðum austan megin í Siglufirði sem gæti haft það í för með sér að hafnarsvæðið yrði fyrir flóðbylgjum sem hugsanlega gætu þá lokað fyrir hafnarsvæðið.

Þetta er gríðarlega mikilvægt öryggismál fyrir íbúa svæðisins, vegfarendur og atvinnulíf. Þó svo að leiðir séu ekki lokaðar en gefið út óvissustig þá eru vegfarendur ekki öruggir og því miður hafa á undanförnum dögum fallið snjóflóð á veginn við Ólafsfjarðarmúla þegar vegur var opinn vegfarendum en óvissustig var í gangi. Eyjafjarðarsvæðið er eitt atvinnusvæði og sækja margir íbúar á svæðinu vinnu til og frá Fjallabyggð. Síðustu daga hafa því margir ekki komist til vinnu sem ekki getur talist ásættanleg og alls ekki til framtíðar litið. Svo ekki sé minnst á aðgengi að Sjúkrahúsinu á Akureyri fyrir íbúa Fjallabyggðar. Mikilvægt er því samhliða framkvæmdum við Fljótagögn að nauðsynlegir fjármunir séu tryggðir til rannsókna þannig að hægt sé að ákveða legu nýrra jarðganga á milli Ólafsfjarðar og Dalvíkur/Eyjafjarðar og hefja frumhönnun.

Í yfirliti frá Veðurstofu má sjá að tugir snjóflóða hafa fallið á utanverðum Tröllaskaga undanfarna sólarhringa og mörg þeirra á vegi beggja vegna Fjallabyggðar, þ.e. Skagafjarðarmegin og Eyjafjarðarmegin. Íbúar sveitarfélagsins Fjallabyggðar hafa búið við mikla óvissu og öryggisleysi af þessum sökum og leggur bæjarstjórn Fjallabyggðar áherslu á að ríkisstjórn og þingmenn allir bregðist við og tryggi fyrirhugaðar framkvæmdir við Fljótagöng sem auka munu verulega öryggi, ekki aðeins við þær aðstæður sem nú hafa verið uppi heldur einnig í vatnsveðrum að vori og hausti sem lokar Siglufjarðarvegi vegna jarðsigs og skriðufalla."